Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ʻEma Heili Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻEma Heili Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻEma Heili Sāmita
(1804–79)
ʻEma Heili Sāmita, laʻitā, Church History Library, PH 1700 545.
Naʻe fāʻeleʻi ʻa ʻEma Heili Sāmita ʻi he 1804 ʻi ha feituʻu ʻe hoko ko Hāmoni, Penisilivēnia. Naʻá ne mali mo Siosefa Sāmita ʻi he 1827. Naʻá ne hoko ko ha fefine tohi ʻi hono liliu ʻo e Tohi ʻa Molomoná ʻi he 1828 pea mo hono liliu foʻou ʻo e Tohi Tapú ʻi he 1830. Naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻe ʻŌliva Kautele ʻi Sune 1830 pea hilifakinima ia kimui ange ʻi he faʻahitaʻu māfaná. Naʻá ne hiki mo hono husepānití mo e Kāingalotu kehe ki Ketilani, ʻOhaiō ʻi he 1831. ʻI he 1835, naʻá ne ʻētitaʻi ai ʻa e ʻuluaki tohi himi ʻa e Siasí, ʻo fakahoko ha fekau naʻe ʻoange kiate ia ʻi he ngaahi taʻu lahi kimuʻá (Tokāteline mo e Ngaahi Fuakava 25). Naʻá ne hiki mo e Kāingalotú ki Mīsuli ʻi he 1838 pea toki hola mei he fakatanga ʻi Mīsulí ʻi he 1839, peá ne iku ʻo nofo ʻi Nāvū, ʻIlinoisi. Naʻe fokotuʻu ia ko e fuofua palesiteni ʻo e Kautaha Fineʻofa ʻo e Kakai Fefine ʻo Nāvuú, ʻa ia naʻa nau poupou ki he ngāue ki he Temipale Nāvuú, teuteuʻi ʻa e houʻeiki fafiné ki he ngaahi ouau ʻo e temipalé, mo ʻomi ha ngaahi faingamālie ki he akoʻi fakalaumālié mo e foaki ʻofá, ʻi Māʻasi 1842.
Hili hono fakapoongi ʻo Siosefa Sāmita ʻi Sune 1844, naʻe nofo ai pē ʻa ʻEma ʻi Nāvū. Naʻá ne mali mo Luisi C. Pitamoni ʻi Tisema 1847 peá ne fengāueʻaki kimui ange mo e Siasi Fokotuʻutuʻu Foʻou ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ʻa ia naʻe taki ʻe hono foha ko Siosefa Sāmita ko hono III.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá