Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Uiliami W. Felipisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami W. Felipisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami W. Felipisi
(1792–1872)
Uiliami Uaine Felipisi, ca. 1865, laʻitā ʻa Charles R. Savage, Church History Library, PH 1700 4495.
Naʻe fanauʻi ʻa Uiliami W. Felipisi ʻi Hanova, Niu Sēsī ʻi he 1792. Naʻá ne mali mo Seli Uatamani ʻi he 1815. ʻI Sune 1831, naʻe papitaiso ai ʻa Felipisi ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea naʻe fakanofo ia ko ha kaumātuʻa ʻi Ketilani, ʻOhaiō. ʻI he māhina hono hokó, naʻe ui ia ko ha tokotaha faipaaki ʻa e Siasí (Tokāteline mo e Ngaahi Fuakava 57:11). Naʻá ne hiki ʻi he konga kimui ʻo e 1831 ki Tauʻatāina, Mīsuli, ʻo ne ʻētita ai ʻa e The Evening and the Morning Star pea mo e Upper Missouri Advertiser. Naʻe hoko ʻa Felipisi ko ha mēmipa ʻo e Kautaha Faʻutohí ʻi he 1831 (Tokāteline mo e Ngaahi Fuakava 70) pea mo ha mēmipa ʻo e Kautaha Uouangatahá ʻi he 1832 (Tokāteline mo e Ngaahi Fuakava 82). ʻI Nōvema 1833, hili ha māhina ʻe fā mei hono fakaʻauha ʻe he kau fakamoveuveú ʻa e ʻōfisi paaki ʻo e Siasí ʻi Tauʻatāiná, naʻe hiki leva ʻa Felipisi mo ha Kāingalotu kehe ki he Vāhenga Keleí, Mīsuli. Naʻe ui ia ko ha tokoni pe ʻasisiteni palesiteni kia Tēvita Uitemā, ko e Palesiteni ʻo e Siasí ʻi Mīsulí, ʻi Siulai 1834. Naʻe toe foki ʻa Felipisi ki Ketilani ʻi he 1835, ʻo ne tokoni ai ki hono fakatahatahaʻi ʻo e Tokāteline mo e Ngaahi Fuakavá pea mo e ʻuluaki tohi himi ʻa e Siasí. Naʻá ne toe hiki leva ki Mīsuli ʻi he 1836. Naʻe tuʻo ua hono tuʻusi ia mei he Siasí pea tuʻo ua mo hono papitaiso fakafoki mai ia ki he Siasí ʻi he vahaʻataimi ʻo e 1838 mo e 1840. Naʻá ne hiki ki Nāvū, ʻIlinoisi ʻi Nōvema 1842, pea naʻá ne tokoni ai ki hono ʻētitaʻi ʻo e Times and Seasons mo e Nauvoo Neighbor pea tokoni kia Uiliate Lisiate ʻi hono tohi e hisitōlia ʻo Siosefa Sāmitá. Naʻá ne hiki ki he Vahefonua ʻIutaá ʻi he 1848.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá
Tokāteline mo e Ngaahi Fuakava 55, 57, 58, 61, 67, 70, 82, 85