“Ko e Fale Hūfanga Māmongá ʻi he Fakaʻaliʻali ʻa e Māmaní ʻi he 1970,” Ngaahi Hisitōlia Fakaemāmani Lahí: Siapani (2019)
“Ko e Fale Hūfanga Māmongá ʻi he Fakaʻaliʻali ʻa e Māmaní ʻi he 1970,” Ngaahi Hisitōlia Fakaemāmani Lahí: Siapani
Ko e Fale Hūfanga Māmongá ʻi he Fakaʻaliʻali ʻa Māmani ʻi he 1970
Ko e nofo totongi ʻa e tokotaha tā valivalí ʻi he Fale Hūfanga Māmongá ki he Fakaʻaliʻali ʻa Māmani ʻi he 1970, ʻi ‘Osaka, Siapani
ʻI he 1970, ko ha fakaʻilonga ʻo e fakaakeake ʻa Siapani mei he Tau Lahi ʻa Māmani hono II, naʻe fakahoko ʻa e ʻuluaki Fakaʻaliʻali ʻa Māmaní ʻi ʻĒsia ʻi ʻOsaka. Ko hono kaveingá ko e “Fakalakalaka mo e Fakafetāiaki maʻá e Faʻahinga ʻo e Tangatá,” pea naʻe kau ki he polokalama māhina ʻe fitu ko ʻení ha kau fakafofonga mei he ngaahi fonua ʻe 77 pea talitali ha kau ʻaʻahi ʻe toko 64 miliona tupu.
Naʻe kau atu ʻa e Siasí ki he fakaʻaliʻalí ʻaki ha Fale Hūfanga Māmonga. Naʻe ʻaʻahi ki he fale hūfangá ha meimei kakai ʻe toko 7 miliona pea naʻe akoʻi nounou pē kinautolu ʻi he pōpoaki ʻo e ongoongolelei kuo fakafoki maí. Fakafuofua ki he kau Siapani ʻe toko 780,000 naʻa nau ʻomi ʻenau fakamatala fetuʻutakí mo kole ke ʻaʻahi ange muʻa ʻa e kau faifekaú kiate kinautolu ʻi honau ʻapí. Naʻe fuʻu ʻaonga lahi ki he Siasí ʻa e faingamālie taʻe-hano-tatau ko ʻeni ke vahevahe ʻa e ongoongoleleí mo e kakai Siapaní.