Marshall Islands: Karōkan Iien an Kabun̄ in

1940 ko • Marshall IslandsIien jar ko jinointata an Kabun̄ in ekar kōm̧m̧an jān rijerbal an jarin tariņae in Riamedka ro raar jerbal ilo Marshall Islands ilo Pata eo an Laļ in Kein II.

Oktoba 31, 1975 • Kwajalein, Marshall IslandsHelen Claire Sievers, eo ej jepan Būraimere in juon kumi edik in Riamedka rijerbal an jarin tariņae, kar kweilo̧k ippān rilotok eo William W. Cannon, būreejtōn eo an Hawaii Honolulu Mijen. Ekar kōmeļeļeik bwe ekar wōr 90 ajri ro rej pād ilo Būraimere ioon Aelōn̄ in Ebeye, iaan rein ewōr wōt ruatimjuon raar membōr in Kabun̄ in, im ekar kajjitōk bwe ren jilkinļo̧k mijenede ro n̄an eria eo.

Pāpode 3, 1977 • Majuro, Marshall IslandsMijenede ro raar jino kwaļo̧k naan ioon Majuro.

Eprōļ 23, 1977 • MajuroMisao im Mirasko Lokeijak raar peptaij, membōr ro ijo jinointata n̄an kobatok ilo Kabun̄ in. Misao ekar m̧okta jeļā kōn Kabun̄ in ilo Hawaiʻi iiō ko m̧oktaļo̧k.

Juun 1977 • MajuroMijenede in M̧ajōl eo Torlik Tima, eo ekar kobatok ilo Kabun̄ in ilo Hawaiʻi im kar jerbal ilo Hawaii Honolulu Mijen, kar em̧m̧akūtļo̧k n̄an Majuro im kar kanooj jipan̄ jerbal eo ijo.

Māe 11, 1978 • MajuroKumi eo ilo Majuro rekar erom juon branch, kōn Misao Lokeijiak āinwōt būreejtōn eo.

Juun 21, 1978 • Lā’ie, Hawaii, USAMirasko im Misao Lokeijak raar etal Laie Hawaii Tampeļ im kar liāp, membōr ro m̧oktata jān Majuro Branch n̄an kōm̧m̧ane menin.

1984 • Marshall IslandsIlo 1984 eo, kāālet ko jān Bok in Mormon kar ukōti n̄an kajin M̧ajōļ.

Jānwōde 13–14, 1986 • MajuroKōn an membōr ro jipan̄ n̄an leļo̧k n̄an wōņāān ko an ekkal, im̧ōn kweilo̧kjar ko ruo jinointata an Kabun̄ in rekar ekkal ilo Marshall Islands raar dedelo̧k im kar aje ilo Rita im Laura.

Nobōm̧ba 24, 1985 • MajuroMisao Lokeijak kar rejtake āinwōt būreejtōn eo an Majuro Marshall Islands District.

O̧kwōj 1990 • MajuroLemn̄oul Armej ro Rekwojarjar ilo Raan Ko Āliktata rūm̧m̧an ded ilo Majuro raar ejake juon kuwaer an jodikdik.

Tijem̧ba 1990 • MajuroKoba in Doulul eo an Kōrā ro an Majuro raar kadedeļo̧k juon būrojāāk in jerbal in jipan̄, aikuj in kōm̧m̧ane jejjo allōn̄ ko, kōm̧m̧an 35 quilt ko n̄an ward eo an ajri ilo Majuro Aujpitōl eo im liļo̧ki n̄an aujpitōļ eo ilo raan in Nuiō eo.

Māe 12, 1991 • MajuroMichaelene P. Grassli, Būreejtōn eo Eutiej an Būraimere, im Virginia Pearce, juon uwaan boot eo eutiej an Būraimere, rekar loļo̧k Majuro Branch ilo Raan eo an Jined (Mother’s Day).

Māe 6, 1991 • KwajaleinKwajalein Marshall Islands District eo ekar jutak.

M̧aaj 17, 1992 • Ebeye, Marshall IslandsRosey Lari, būreejtōn eo an Doulul eo an Kōrā ro an Ebeye, im būreejtōn eo an distrct an Doulul eo an Kōrā ro raar kobaik kōrā ro an Doulul eo an Kōrā n̄an keemem e jibuki lemn̄o̧ul iiō in Doulul eo an Kōra ro. Kōrā ro an Doulul eo an Kōrā ro, dik im rūtto, raar barainwōt bōk kuņaer ilo jerbal in m̧akūtkūt in karreo ko ilo jukjuk in pād eo ilo M̧aaj im Eprōļ eo, jerbal ilo Aujpitōļ eo ilo Delap, Jikuuļ eo ilo Rairok, im Aujpitōl eo ilo Laura im ilo eria ko ilo Ebeye.

Nobōm̧ba 7, 1998 • EbeyeBrother Newton Passaur im Senator Ataji Balos raar likūt eļtan peier ilo koņ eo kōtļo̧k an Kabun̄ in kōjerbal jimettan in im̧ōn ko eo ilo Ebeye n̄an juon jikin jar n̄an Ebeye Branch.

M̧aaj 27, 1999 • KwajaleinKweilo̧k eo Eļap iiō otemjej an Doulul eo a Kōrā ro an Kwajalein District eo ekar kōm̧m̧an ilo Kwajalein Religious Education Center eo, ekoba 28 kōrā ro jān Ebeye im 7 kōrā ro jān Kwajalein Branch eo.

M̧aaj 27, 2000 • KwajaleinJodikdik ro an Kwajalein Atoll, 62 aolepāer, raar aindoon n̄an jino kweilo̧k eo eļap an district an jodikdik ro ilo Kwajalein Religious Education Building eo.

Oktoba 22, 2000 • EbeyeEbeye Branch eo ekar jepeļļo̧k n̄an ruo branch ko, kōn Jalli Aini im Bonnon Enos āinwōt būreejtōn ro.

M̧aaj 4, 2001 • EbeyeRutiej ro jān jukjuk in pād eo ijo, ekoba rijerbal ro jān Raytheon im Kitlan Kabua, lerooj eo an Kwajalein Atoll im aelōn̄ ko ilikin jet, kar pād ilo iien kōpeļļo̧k im̧weo n̄an Im̧ōn Kweilo̧k eo an Ebeye ilo M̧aaj 4. Im̧ōn kweilo̧k eo ekar aje ilo M̧aaj 18.

2003 • Salt Lake City, Utah, USAJuon likio in ukok eo an Bok in Mormon ekar jeje ilo kajin M̧ajōļ.

2003 • MajuroJuon satellite system kāāl ekar kōm̧m̧an bwe membōr ro ren bōk kadiwōjļo̧k ko imejatoto an Kabun̄ in live jān Salt Lake City ej kab kein kajuon.

Juļae 19, 2008 • MajuroKweilo̧k eo eļap iiō otemjeļo̧k an jodikdik ro an Majuro distict ekar kōm̧m̧an ilo Long Island stake center eo. Enan̄in 200 jodikdik ro raar pād ilo workshop ko, kweilo̧k in naan in kam̧ool, im nokon ko.

Juun 14, 2009 • MajuroMajuro Marshall Islands Stake eo ekar ejaak, kōn Arlington Tibon āinwōt būreejtōn eo.

2011 • MajuroRūm̧m̧an ded ro ejjeļo̧k pāleer im Doulul eo an Kōrā ro raar leiaia ippān mijenede ro n̄an kōm̧m̧ane juon health fair puppet show kōn hygiene, ōōn, im joļo̧k jikka im kadōk ilo jikuuļ ko an elementary im middle.

Juun 15, 2013 • MajuroChristopher J. Loeak, būreejtōn eo an Marshall Islands, eo ekar jikuuļ ilo Brigham Young University–Hawaii ke ekar jodikdik, ekar iioon Elder Kevin W. Pearson jān Jiljilimjuonn̄oul eo n̄an ekōnono kōn koba in kijejeto ko an mennin jeraam̧m̧an ko ikōtaan Kabun̄ in im kien eo an Rim̧ajōļ.

Oktoba 9, 2016 • KwajaleinKwajalein Marshall Islands Stake eo, eo kein karuon ilo laļ eņ, ekar ejaak.

2017 • MajuroCharity ko an Latter-day Saints raar leļo̧k jipan̄ n̄an jukjuk in pād ko būrojāāk in katakin kar kōm̧m̧ani n̄an kadikļo̧k nan̄inmej in tōn̄al ilo Marshall Islands.