“Joseph Smith ken ti Panagasawa iti Ad-adu Ngem Maysa,” Dagiti Topiko iti Pakasaritaan ti Simbaan
“Joseph Smith ken ti Panagasawa iti Ad-adu Ngem Maysa”
Joseph Smith ken ti Panagasawa iti Ad-adu Ngem Maysa
Mamati dagiti Santo iti Ud-udina nga Aldaw a ti monogamia— ti panagkallaysa ti maysa a lalaki ken maysa a babai—ti sapasap a paglintegan ti Apo iti kallaysa.1 Kadagidi panawen ti biblia, binilin ti Apo ti sumagmamano a taona nga agtungpal iti kannawidan iti panagasawa iti ad-adu ngem maysa—ti kallaysa ti maysa a lalaki ken ad-adu ngem maysa a babai.2 Sumagmamano a nagkauna a miembro ti Ti Simbaan ni Jesucristo dagiti Santo iti Ud-udina nga Aldaw ti immawat ken nagtungpal pay iti daytoy a bilin a naited babaen kadagiti propeta ti Dios.
Kalpasan ti panangawat iti maysa a paltiing a mangbilbilin kenkuana nga agtungpal iti kannawidan a panagasawa iti ad-adu ngem maysa, inkallaysa ni Joseph Smith ti adu nga assawa ken inyam-ammona ti kannawidan kadagiti nasinged nga am-ammo. Daytoy a pagbatayan ti maysa kadagiti kangrunaan a mapannubok nga aspeto ti Pannakaisubli—para ken ni Joseph iti bukodna ken iti dadduma pay a miembro ti Simbaan. Sinubok ti panagasawa iti ad-adu ngem maysa ti pammati ken nangsugsog iti kontrobersia ken oposision. Naimbag a pinasangbay idi damo ti sumagmamano a Santo iti Ud-udina nga aldaw ti pannakaisubli ti maysa nga aramid idi panawen ti biblia a sibubukel a ganggannaet iti kaririknada . Ngem idi agangay adu ti nangipaneknek maipapan kadagiti nabileg a naespirituan a padas a nangtulong kadakuada a mangparmek iti panagkedkedda ket nangted kadakuada iti tured nga umawat iti daytoy nga aramid.
Adu a detalye maipapan kadagiti nagkauna a kannawidan ti panagasawa iti ad-adu ngem maysa gapu ta naidawat kadagiti nakiraman a mangpatalinaed a palimed dagiti tignayda. Bassit ngarud ti kasuratan iti pakasaritaan ti nagkauna a panagasawa iti ad-adu ngem maysa: mangted ti sumagmamano a pakaammuan ti panawen kadagiti detalye, ket iti agangay saanen a mapagtalkan dagiti estoria iti napalabas. Saints salaysayenna ti sumagmamano a napapateg nga estoria maipanggep ti panagasawa iti ad-adu ngem maysa ni Joseph Smith ken dadduma pay a nagkauna a Santo iti Ud-udina nga Aldaw. Para iti nayon nga impormasion maipanggep iti nagkauna a panagasawa iti ad-adu ngem maysa, kitaen iti “Plural Marriage in The Church of Jesus Christ of Latter-day Saints,” Gospel Topics Essays, topics.churchofjesuschrist.org.
Dagiti Mainaig a Topiko: Joseph Smith Jr., Emma Hale Smith, Fanny Alger, Nauvoo Expositor