Naan in Katak an Kōra

Niknik in Lin̄ūr Jeje ko Rōkkwojarjar

Katakin jeje ko rōkkwojarjar im naan in anōk ko bwe renaaj jipan̄ kōrā ro kwoj loļo̧k er melele katak kein. Karwaineneik ro kwoj lolo̧k er n̄an jaake ta eo rōkar en̄jaake im kar katak.

Etke Lin̄ūr Jeje ko Rōkkwojarjar?

Būreejtōn Howard W. Hunter (1907–95): “Ij kwaļo̧k n̄an kom madenļo̧k eo kōn Anij einwōt juōn jon̄ok eo me jaikuj mour kake mour ko ad im eo jaikuj etali jabdewōt kālōt ko im jabdewōt jerbal. Ekkar n̄an ellajrakin, n̄e ewōr am in̄ebata ko im men ko reppen, jelmai er kōn jeje ko rōkkwojarjar im ri kanaan ro” (“Fear Not, Little Flock,” ilo 1988–89 Devotional and Fireside Speeches [1989], 112).

Būreejtōn Ezra Taft Benson (1899–1994): “Anjo ilo kwojarjar, kajoor eo n̄an kōtoon kapo im jumae kabo, tōl ilo kajjojo raan in ad mour, kōmouri ad—erkein ak jet wōt iaan kallimur ko Irooj ekar leļo̧k n̄an ro renaaj itok n̄an naan ko An. … Jet jaramman ko naaj loi wōt ilo jeje ko rōkkwojarjar, ilo wōt bōk naan ko an Irooj im eddab n̄ani. …

“… Bar kipel kom make n̄an juōn katakkōnjeje ko rōkkwojarjar. Lōn̄aj kom make ilo er aōlep raan bwe en wōr kajoor in Jetōb ilo kom ilo kur ko ami. Riiti ilo baamle ko ami im katakin ajri ro n̄an io̧kwe im kejparoki” (“The Power of the Word,” Ensign, Mei1 986, 82).

Būreejtōn Spencer W. Kimball (1895–1985): “Ilo ami erom elapļo̧k im elapļo̧k iminene kake m̧ool ko kōn jeje ko rōkkwojarjar, kom naaj lapļo̧k an jejjet ami eddab n̄an kien eo elap im kein karuo n̄an io̧kwe ro riturūm āinwōt kwe. Erom ri tijemļo̧k kake jeje ko rōkkwojarjar ejjab n̄an jibed ro jet, ak n̄an kotak lōn̄tak er! Ālkin men kein, wōn eo elap ļo̧k an wōr aikuj n̄ane ‘ļōn̄ majidjid kake’ mool ko kōn gospel eo (ie ro remaron̄ in kūr n̄an̄e ilo iien aer aikuji ijjeļo̧kin kōrā ro im jine ro elap aer naajidik im katakin?” (“The Role of Righteous Women,” Ensign, Nob. 1979, 102).

Ekōjkan Aō Maron̄ Kaorōk Jeje ko Rōkkwojarjar?

2 Nipai 4:15: “Bwe ao ej lan̄lōn̄ ilo jeje ko rekwojarjar, im buruō ej kolmanlokijen kaki, im jei n̄an katakin im emmanlok eo an ro neju.”

Julie B. Beck, Būreejtōn eo an Douluul eo an Kōrā eutiej: “Juōn wāween emman n̄an jino katak jeje ko rōkkwojarjar ej n̄an ad ‘keidi’ n̄an kōj make (lale 1 Nipai 19:23) Jet armej rej jinoe jān kālōt juōn wunin katak ilo Wūnitōl in Kōnono me rej aikuj n̄an jelā elap ļo̧k kake. Ak rej jino jān jinoin tata juōn bok jān jeje ko rōkkwojarjar im bukōte katak ko repidodo. …

“Jabdewōt ial eo juōn armej ej jino katak jeje ko rōkkwojarjar, kii eo n̄an mejeļo̧k jelāļo̧kjen in aōrōk ej n̄an ekkatak wōt im jammin mōk in bukōti elon̄ļo̧k men in aorōk ko kōn m̧ool eo ilo jeje ko rōkkwojarjar kōnke rej katakin kōn ‘melak, āinwōt an melak in wōt an naan ko melak’ (2 Nipai 32:7). Jeje ko rōkkwojarjar rej kamool kōn Kraist (lale Jon 5:39). Rej jiron̄ kōj aōlep menken jaikuj kōm̧m̧ane (lale 2 Nipai 32:3). Rej kōm̧m̧an bwe jān kiplie n̄an lomoor’ (2 Timote 3:15).

“Ilo aolep iien in aō riiti jeje ko rōkkwojarjar im kōm̧m̧ane jar ko aō rej ettōr ippen aō katak, Ikar bōk jelāļo̧kjen eo ej bōktok aenomman im jipan̄ n̄an n̄a dābij kajoor ko aō n̄an kalimjeke indeeo in men ko imaan tata. Kōnke ikar jino riiti jeje ko rōkkwojarjar aōlep raan, emōj aō katak kake Jema Ilan̄, Nejjin Jisōs Kraist im ta eo iaikuj in kōmmaane bwe in āinwōt Er” (“My Soul Delighteth in the Scriptures,” Liahona and Ensign, Māi 2004, 108–9).

Būreejtōn Thomas Monson: “Jeje ko Rōkkwojarjar rōkaiboojoje jikin bok ko ad. Lale bwe ren naajdik lolātāt ko ad im tōl n̄an mour ko ad” (“The Mighty Strength of the Relief Society,” Ensign, Nobōm̧ba. 1997, 95).

Pija jen Graig Dimond; melan tulik jen Shannnon Gygi Christensen