Ngkana e taetae Iotebwa Timiti nakoia kaain te taromauri, aomata a ongora. Aki karongoa inanon tabeua te aua, ao ataei a kukurei riki bwa ana ongo ana taeka te burabeti nakon ae ana takakaro.
E aki toki n taetae Iotebwa itinaniku bwa aonga n ongo aomata aika mwaiti. N te bong teuana i Nauvoo, e kare te angibuaka i nuukan ana kabwarabwara.
Bubun te tano are kibe e rangi ni matenten; I aki kona n nora te bwai teuana.
Ti a nako n okiri mweengara imwain ae rikirake riki ni buakaka.
E takarua Iotebwa nakoia naake a katauraoia bwa a nang kitania.
Tuangiia bwa ana bane n tataro nakon te Atua ae Moan te Mwaaka bwa te ang ao te karau ana toki, ao ana bon toki.
O Tamara, anga am kakabwaia bwa e na toki te ang ao te karau.
Imwiin tabeua te miniti, e bwenaua te angibuaka. Taiani kai ma aroka ake a mena irarikin te tabo arei a mwaiei n te ang, ma e rau te tabo are taetae iai Iotebwa.
Tariu ao mwaneu, I kan taetae ngkai nakoimi ibukin tabeua taiani koaua aika a rangi ni kakawaki.
Teuana te aua imwina ao e katoka ana kabwarabwara te Burabeti, ao te angibuaka e a manga okira arona.
Kawaetata n oki nakoni mweengami ao iangoi bwaai are I a tia n taekin.
Kawaetata, ataei
Ana reirei ma arona ni maiu a rangi ni mwaaka n te aro ae a mwaiti aika a taekin aia koaua aika matoatoa ibukin koauan te euangkerio ao ibukin wetean Iotebwa Timiti bwa te Burabeti.
I bon ataia bwa boni ngaia are taekinna bwa—ana burabeti ni koaua te Atua.
Boni ngaia raoi ana burabeti te Atua ae maiu; ao ni mwaitin te tai are I ongo iai ana taeka man noori bwaai are e karaoi, au koaua irouna e a korakora riki.
Ni boong aikai, te Burabeti ae Iotebwa Timiti e tuai bua uringana irouia aomata aika mirion ni katobibia te aonaaba aika ataia bwa e boni weteaki iroun te Atua bwa e na kaoka ana euangkerio Iesu Kristo nakon te aonaaba aei.