Kamo ba Makamao sa Media?
Mga computer, TV, ug mga salida makatabang kaninyo nga makat-on ug malingaw. Apan adunay mga butang usab kabahin niini nga makadaot kaninyo. Aniay 10 ka mga paagi aron magpabilin nga luwas kon kamo mogamit sa computer o motan-aw og TV.
-
Pangayo kanunay og pagtugot sa ginikanan sa dili pa mogamit sa Internet o motan-aw og TV, ug gamit lamang sa mga computer o telebisyon sa dapit sa inyong panimalay, nga makita sa inyong mga ginikanan.
-
Gamit lamang sa mga Web site nga nahibaloan ninyo ug sa inyong mga ginikanan nga maayo alang sa mga bata. Hangyoa ang inyong mga ginikanan sa pag-set sa TV ug mga Web browser nga mobabag sa dili maayo nga sulod.
-
Ayaw kahadlok sa pagbiya sa kwarto o paghangyo og usa ka tawo sa pagpalong sa mga salida, mga video game, o musika nga mopabati kaninyo nga dili komportable.
-
Kon kamo adunay pahina sa usa ka social-networking nga Web site, hangyoa ang inyong mga ginikanan sa pagtabang kaninyo sa pagsiguro nga ang mga tawo nga wala ninyo mailhi dili makakita sa inyong pahina.
-
Kon kamo anaa sa Internet, ayaw ihatag sa tawo nga wala ninyo mailhi ang inyong personal nga impormasyon sama sa inyong ngalan, address, o numero sa telepono.
-
Ayaw ipadala ngadto sa tawo nga wala ninyo mailhi ang litrato sa inyong kaugalingon.
-
Ayaw pag-uyon nga makigkita sa tawo nga inyong “nakaila” sa Internet. Kon adunay gusto nga makigkita kaninyo, sultihi ang inyong mga ginikanan.
-
Ayaw ihatag ni bisan kinsa ang inyong mga password.
-
Ayaw ablihi ang e-mail gikan sa tawo nga wala ninyo mailhi. Kon kamo makadawat og e-mail nga wala kamo makasiguro, susiha kauban sa inyong mga ginikanan.
-
Pangita og makalingaw nga mga kalihokan sa Friend Web site sa www.friend.lds.org!