Mensahe sa Pasko gikan sa Unang Kapangulohan ngadto sa mga Bata sa Kalibutan
Ang Hinungdan sa Pagkatingala
Ang panahon sa Pasko mao ang labing katingalahan nga mga higayon sa tuig. Bisan pa niana, dili ang mga gasa, mga kahoy, mga dekorasyon, o ang pagkaon maoy nakahimo niini nga usa ka panahon nga puno sa katingala.
Kini kon kita mohinumdom sa pagkatawo sa atong Manluluwas, nga si Jesukristo, sa ingon niana ang panahon sa Pasko mahimo gayud nga espesyal.
Samtang kita naningkamot sa paghinumdom sa atong Manluluwas, ang atong tinguha sa pagpakabuhi nga sama Kaniya motubo. Dili kini sulagma nga ang Pasko mao ang panahon sa tuig diin ang mga tawo hilabihan ka mahigugmaon, hilabihan ka mahatagon, hilabihan ka mabination, ug hilabihan ka mapasalamaton.
Samtang kita mosulay sa pagsunod sa ehemplo ni Kristo niining panahona ug mobuhat sa atong kinamaayohan sa pagpakabuhi sama sa Iyang gihimo, mangita kita og mga paagi sa pagbayaw niadtong naglibut kanato. Atong saulugon ang pagkatawo sa atong Manluluwas pinaagi sa pagkahimong mga sumusunod ni Kristo diha sa pulong ug buhat.
Kami magpamatuod nga samtang kita mobuhat sa ingon, ang tinguha sa pagsunod Kaniya nga nagtubo sa atong kahiladman panahon sa Pasko mopadayon sa paglambo sa tibuok umaabut nga tuig.
Presidente Thomas S. Monson
Presidente Henry B. Eyring
Presidente Dieter F. Uchtdorf