Klumech er a Oldingel e Olisechakl, KOT EL BUIL 2010
Di Mokid ra Omesiungel a Klechad
Molisechakl a chedaol llechukl ma tekoi malechub, a lusbechall, a kuk tara osisechakl el mo omekngeltengat ra rodos el moldingel er tir. Mouchais er a klemerang el kirel osisechakl. Molengit er tirkel moldingel er tir el mo ouchais aikel lomelchesiu me a bla lsuub.
Ngera Omesiungel a Klechad?
“‘A omesiungel a klechad a belkul a kmo kede ousbech aikel rokui el klengeltengat ra Demad ra Babeluades el mo omecheliu a klengar kid ma telungalek er kid e osiik a nger ra mondai er kid.’A derstang er kid a ngercheled el melasm el mengeroid er kid ra mondai ruchei ra lebor ngii e mo mesuub el mesmechokl a ringel sel ledubech. …
“Kede mekerang e di mo kid ra omesiungel a klechad er kid? Kede di mo kid ra omesiungel a klechad er kid sel dengai a klebech el llomes, skuul, duch ra omenguiiu; ungil usbechelel ma orretel a udoud, momesisiich ra chedaol tekoi, kldmokl el kirel a bkais chemrungel el tekoi; e ungil e mesisiich a bedenged ma delongeled kid ma rebebil ra rechad.”1
A Julie B. Beck, merreder ra cherrengelel a Relief Society.
Ngerchelel Ebangkelio
“Mesel dil kid el mesiou er kid e dolisiich a sengk ma duch er kid, eng sebeched el mo meduch el di kid ra omesiungel a klechad er kid. A di mo kid ra omesiungel a klechad er kid a sel denguu a ngerachel el kirel a okerulel a klechad er kid ra chedaol tekoi ma di tekoi ra klechad luldimukl er tirkel tir a lebeskid a Demad ra Babeluades el bo domecheliu er tir. Me ngkoiu a di kid ra omesiungel a klechad er kid e kede meral oltirakl ra Osobel el mesiou e omekngeltengat ra rebbil.
“Ng klou a belkul el bo dodengei el kmo a di mo kid ra omesiungel a klechad er kid a dongu el kirel aikel soad el mo meruul. Sel kmal moktek er kid a mo uaia Osobel, e tial moktek a mo mesisiich sel dosiou ra rebebil. A techelled el mo mesiou a sebechel mo mesisiich malechub eng bai remiid lultuill ra teletael ra di kid ra omesiungel a klechad er kid.”2
A Elder Robert D. Hales ra Chelechad ra Teruich ma Terung el Apostol.
“A di kid ra omesiungel a klechad er kid a olchotel a ureor e ngii a uchul a klisiich ra rokui el teletael ra ngesou. Ng klou a belkul el telengtengil a chedaol klechad er kid ma di klechad ra beluulechad. Meng meludk el kirel tial osisechakl, ea President Marion G. Romney [1897–1988] a dilul kmo: ‘Mei e doureor el kirel aikel dousbech. Mei a di bol kid ra omesiungel a klechad er kid e bo dileakel. A diak a ulebengelel klengar a diak el mengai ra ngii dil ngodech el osisechakl. A diak a ulebengelel klengar a ngerchelel a derstang el chad, e kired el oureor el kirel a diak a ulebengelel klengar kid ra tekoi ra klechad ma chedaol tekoi.’
“A President Spencer W. Kimball [1895–1985] a liluut el lolisechakl el kirel a di mo kid ra omesiungel a klechad er kid: ‘A ngerachel ra derstang el chad el kirel a deleuill er ngii ma rechad, rengul, chedaol tekoi, klechad, ma tekoi ra kerruul a kot el ngerchelel, ea ongerung eng telungalek er ngii, ea ongedei eng Ikelesia alsekum eng blak a rengul el chad ra Ikelesia.’”3
President Thomas S. Monson.
© 2009 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/09. Kengei ra oidel: 6/09. Oidel a Visiting Teaching Message, January 2010. Palauan. 09361 881