Mulowol ni Ngan Thapeg ni Ngan Nang, January 2010
Mu Ayuwegem
Fil fapi chep nib thothup nge guruy ney, ara fa’anra ba t’uf, fil reb e yalen ko gospel nira pii’ e ayuw ngak’ e ppin ni gama guy. Pii’ michuwaen’um ko fare doctrine. Fith pi’in ni gama guy fa’anra yaed ba’adag ni nge yoeg ko mange kar thamiyed nge filed.
Mang ba yip fan ni ngam ayuwegem?
“‘Gama ayuweg gur nap’an gama yus nag gubin e tawa’ath Chitamam nu Tharmiy ni ke pii’ ngom. Ngam fek pin’en ni gabe t’uf nge tabinaw rom ni ba t’uf. Gadad gubin ni bay e murwel rok ni nge gay rogon ni nge palog nag ir ko magawon u m’on ni nge yib ngorad me fil ko uwrogon ni nge gel nag e tin nib mom’aw u yafos rodad. …
“Urogon ni ngug mang bee’ niba ayuweg ir? Rayog ngam ayuwegem u nap’an ni gabe fek e llowaen’, skul, nge fil urogon ni nga, bi’eg fa yoloy e babyor; yus nag e salpiy nge chugum rom u fithik’ e ganop, gel nag e ya’el rom, taermedliy ko pin’en nira yib ngom; ma gel nag e dogur rom.”1
Julie B. Beck, general president ko Relief Society.
Milfan ko fare Gospel
“Nap’an gadad ba gaa’ nag pi tawa’ath nge n’en ni ba salip riy, rayog ngad ayuwegdad gadad. Ma ayuwegem e ir reb e milfan ko ya’el nge dowef rom. Thingar mu pii’ e ayuw ngak’ e pi’in Chitamam nu Tharmiy ni ke pii’ ngom. Yigo ngiyal’ ni rayog ngam ayuweg gur, kam mang boed fare Tathapeg, ma rayog ni ngam pigpig mag pii’ boch e tawa’ath ngak’ e gidii’.
“Thingar mu dugliy e nomeg ere rayog ngam ayuwegem. Nameg rodad ni th’abi gaa’ fan ir ngad boeded fare Tathapeg rodad, re nameg ney e be mom nag boch e pigpig rodad ngak’ e gidii’. Gadad ra pigpig nib fel’ rogon fa de fel’ e bayan u rogon nibe yog ni ngad ayweged gadad ni som’mon.”2
Elder Robert D. Hales ko fare Ulung ko Ragag nge L’agruw Apostle.
“Bin somm’on, thingar mu ayuwegem nge tabinaw rom ma rayog ngam pii’ ayuw ngak’ boch e gidii’. Ba t’uf ngam ayuwegem, biney ra gel nag ya’el nge dowef rom. President Marion G. Romney [1897–1988] ke weliy boch mornga’agen e re yalen ney: ‘Ngad muruwel gad ko tin nib t’uf rodad. Ngam mang bee’ nib fel’ ere rayog ngam ayuwegem. Thap ko manemus e dabiyog ni nge yib ngodad u dakean reb e yalen. Yigo’ gur rom e rayog ni ngam dugliy fa’anra ngam thap ko manemus, nge thingar da muruweliyed e thap rodad ko tin nu fayleng nge tin nu tharmiy.’ …
“President Spencer W. Kimball [1895–1985] ke weliy boch mornga’agen ere yalen ney: ‘Re milfan ko urngin e gidii’ ko tin ya’el, dowef, salpiy, bay rogon tafnay fa lem ba paer nga dakean ni’ir ni somm’on, bin l’agruw nga dakean e tabinaw rok’, nge bin dalip nga dakean fare Galasia fa’anra ir e memba ni bay michuwaen’.’”3
President Thomas S. Monson.
© 2010 by Intellectual Reserve, Inc. Ba’ mat’awngin gubin e gidii’. Nni yoloey u Merikan. Micheg nag I pilyeg ko thin nu Ngalis: 6/09. Micheg nag I pilyeg: 6/09. Pilyeg I Visiting Teaching Message, January 2010. Yapese. 09361 905