iTabagone

Na Nomu Veivakalougatataki Vakapeteriaki

E vakatoka o Peresitedi Monson ni veivakalougatataki vakapeteriaki sai koya “na nomu Liaona me vakatakilakilataka na nomu ilakolako ka dusimaka na nomu salatu.” Sa qai cava beka na veivakalougatataki oqo, kei na sala cava e rawa ni dusimaka na nomu bula?

Na cava mada na veivakalougatataki vakapeteriaki?

E rua tiko na inaki bibi ni nomu veivakalougatataki. iMatai, ena vakaraitaki kina na kemu isema vakawa, se ki na mataqali cava ena yavusa Isireli o na wili kina. iKarua, ena tiko kina na itukutuku eso me na vukea na nomu dusimaki. Ena rawa ni tiko ena veivakalougatataki eso na yalayala, veivakasalataki, kei na veivunauci.

Meu na yabaki vica sara meu qai taura kina na noqu veivakalougatataki?

E sega ni yalataki eke na yabaki ni bula, ia sa gadrevi ga mo yalomatuataka ka taleitaka na veika vakalou ni veivakalougatataki. E vuqa na lewenilotu era sa vakasamataka tiko me ra taura na nodra veivakalougatataki ni ra se qai yabaki tinivakacaca ga.

Meu na taura vakacava na noqu veivakalougatataki?

Mo drau veivosaki taumada kei nomu bisopi se peresitedi ni tabana. Kevaka o sa vakarau vakavinaka ka bula kilikili, sa na qai soli vei iko e dua na ivolatara. Oti o ya, sa qai rawa mo lokuca e dua na gauna mo drau sota kina kei nomudou peteriaki.

Na cava meu cakava ki na noqu veivakalougatataki?

Maroroya sara ka taqomaka vakavinaka, ka dau wilika vakawasoma. Mo nanuma, ni nomu veivakalougatataki e ka vakalou ka nomu duadua ga. Sa rawa mo wasea vei iratou na lewe ni nomu matavuvale voleka, ia me kakua ga ni wasei raraba. Sa vakakina, ni vosa ni veivakalougatataki era tiko kina ena vakatau ki na nomu yalodina kei na lewa ni Turaga me yaco kina.