Art So blong Ol Pikinini
Tekemaot ol kala pensel o pent, mo rere blong droem wan naesfala samting! Long 2011, ol art blong ol Praemeri pikinini raon long wol bae i kamaot long wan so long Jos Histri Miusium mo long wan so onlaen long intanet. Hemia olsem wanem yu save tekempat long hem:
-
Krietem wan artwok folem stamba tingting ia “Gospel I Blesem Laef blong Mi.” Artwok blong yu i save tokbaot ol famle, tempol, misinari, profet, skripja, wol, seves, paeonea, Praemeri, o ol Jos aktiviti.
-
Yu mas gat bitwin 5 mo 12 yia, mo yu save sendem wan artwok nomo.
-
Art wok blong yu i mas stap long wan flat pis pepa o wan kaliko. Hem i no mas longfala bitim 36 sentimeta mo saedsaed i mas kasem 30 sentimeta nomo, mo yu no mas putum ol frem long hem.
-
Yu save yusum pensel kala, pensel, maka, ink, jakol, kemikel, wotakala, sopsop jok, oel, o eni tu samting we yu miksim tugeta.
-
Tekem taem blong yu blong mekem se art wok blong yu bae i kam bes wan we yu save krietem. Art blong yu i mas tekem evri spes long pepa blong yu.
-
Raetem ful nem long biaen blong pepa blong yu. Mekem wan papa o mama i komplitim mo saenem fom we i stap andanit ia. Afta skojem fom ia i go biaen long art wok blong yu.
-
Entri (ol samting we yu sendem i kam) blong yu i mas gat wan mak blong pos ofis long hem we i se yu bin sendem long o bifo 31 Julae 2010. Bae oli no save sendem artwok blong yu i kambak long yu.
Entri blong yu bae oli save soemaot long wan so long Jos Histri Miusium, stat long 1 Jenuware kasem 30 Jun 2011; long wan onlaen art so long ol Friend mo Liahona Websaet; o long Pej blong Yumi long Liahona o long Our Creative Friends long Friend. Mekem not se evri entri bae oli yusum o soemaot.
Plis sendem entri blong yu i go long:
Children’s Art Exhibit
45 N. West Temple St.
Salt Lake City, UT 84150-0024, USA
Infomesen mo raet ia i mas stap insaed tu:
Ful nem blong Pikinini
Yia
Stet/Provins, Kantri
Imel adres o telefon namba blong papa o mama
Mi givim raet blong entri ia blong i kamaot long wan so, long Web saet blong Jos, mo long ol magasin blong Jos, mo blong oli putumaot long pablik.
Signeja blong papa o mama o man we i lukaotem pikinini ia