iTabagone

A Cava na ka Totoka Dina?

E kaya o Peresitedi Monson ena itukutuku oqo, “Ena vuravura oqo, sa vaka me vakaliuci tiko na keda totoka se matavinaka ka sega na keda irairai vakayalo.” Sa vaka me ra bolei tiko o ira na goneyalewa ena kedra irairai kei na ituvaki era na yacova. Me vakasamataki mada na vakasama oqo me baleta na totoka dina mai vei Elder Lynn G. Robbins ena Vitusagavulu:

• Na iserau totoka ni dua na goneyalewa e mamarau ka ivalavala dodonu tiko sa ivakaraitaki ni totoka dina ni yalona.

• Na matadredredre ni ivalavala dodonu sa ka totoka dina ni sa ka vakaidina na kena ramase. Na totoka dina oqo e sega ni rawa me boroi ia sa isolisoli ni Yalo.

• Na tiko savasava sa ivakatakilakila vakayago ka lavaki ena veika totoka vakayalo.

• Kevaka o lomaleqataka tiko na kemu irairai, sa rawa me vukei iko na nomu raici iko mai na yaloka ni matadra o ira era lomani iko. Na totoka dina vunitaki era raica na daulomani sa rawa me iloilo ni veivakatorocaketaki yadudua.

• Na mataqali tagane era gadreva na marama bula dodonu me ra vakamautaka era “sa sega ni raica” me vakataki ira na tamata (raica 1 Samuela 16:7). Ena vagolei o koya ki na totoka dina e ramase mai ena yalona sa savasava ka mamarau. Sa vakadina kina vua e dua na goneyalewa e vakasaqara tiko e dua na cauravou ivalavala dodonu.

• Sa namaka tiko na Tamada Vakalomalagi vei ira kece na Luvena me ra digitaka na dodonu, ni sa ikoya ga o ya na bula mamarau tawamudu kei na totoka dina ni yalo.

• Vua na Turaga, e sega kina na veisisivi. Sa soli ki na tamata kecega na madigi ni noda ucuya na kena irairai (raica Alama 5:19). E sega ni tiko e dua tale na totoka dina.

Na kena wiliki na itukutuku taucoko, raica Lynn G. Robbins, “True Beauty,” New Era, Nove. 2008, 30. Sa rawa me ra vakasalataki vakakina na cauravou mai na vosa nei Errol S. Phippen, “Luveni Ga Rairai Sabalia se Kokosi Vakaturaga? Vakatau Ga vei Iko,” Liaona, Okot. 2009, 36.