Feia apî

Eaha te nehenehe mau ?

Te parau nei te peresideni Monson i roto i teie parau poro‘i e, « I roto i to tatou nei ao, e mea pinepine te huru morare i te hapaehia no te nehenehe e aore râ, no te haviti ». E riro te feia apî i te aro no to ratou hoho‘a o vai ra ratou e e nehenehe ratou e riro mai te aha. A feruri i teie mau mana‘o no ni‘a i te nehenehe mau tei papa‘ihia e Elder Lynn G.Robbins no te Hitu Ahuru :

Mai te mea e, e vai te oaoa e te viivii ore i roto i te hoê tamahine, na te reira e horo‘a mai i te nehenehe.
E mea nehenehe mau te ata mâ mai te mea e, no roto roa mai te reira i te aau. Eita teie nehenehe mau e ti‘a ia penihia i ni‘a i te varua, e horo‘a te reira no te Varua.
Ua riro te peu mâ ei faaiteraa e ei titauraa no te nehenehe o roto.
Mai te mea e, te pe‘ape‘a ra outou no to outou huru, a hi‘o ia outou ia au i te hi‘oraa a te feia tei here ia outou, na te reira e tauturu ia outou. Te nehenehe huna i itehia e te feia tei herehia e outou, e nehenehe ïa e riro ei hi‘o no te faahaereraa i‘au iho i mua.
Te huru taata ta te hoê vahihe maitai e hinaaro atoa e faaipoipo « aita oia e hi‘o » mai ta te taata nei e hi‘o (a hi‘o 1 Samuela 16:7). E ite oia i te nehenehe mau o ta’na e faaite mai na roto i te hoê aau mâ e te oaoa. Mai te reira atoa te hoê tamahine apî i te imiraa i te hoê tamaiti apî maitai.
Te titau nei to tatou Metua i te Ao ra i te taato‘araa o Ta’na mau tamarii ia ma‘iti i te maitai, oia te rave‘a hoê roa e roaa ai te oaoa hope ore e te nehenehe no roto roa mai.
I pihai iho i te Fatu, aita e tata‘uraa. Ua farii te mau taata atoa i te hoê â haamaitairaa ia nana‘ohia To’na hoho‘a i ni‘a iho i to ratou mata (a hi‘o Alama 5:19 ). Aita’tu e nehenehe mau.

No te tai‘o i te taato‘araa o te parau poro‘i, a hi‘o Lynn G. Robbins, « True Beauty ». New Era, Novema 2008, 30. E nehenehe ta te feia apî tamaroa e ite i te a‘oraa mai te reira i roto i te Errol S. Phippen, « Ugly Duckling or Majestic Swan ? Tei Ia Oe noa », Liahona, Atopa 2009,36.