Mwet Fuhsr
Puk luhn Mormon Nuhtihk Sifacna
Ke Ohkohs 2005, ke Prestuhn Gordon B. Hinckley (1910–2008) el siyuck mempucr luhn Alu uh in riti Puk luhn Mormon met liki kapihn yac uh, Nga olwelah nuh sik sifacna lah nga ac fah ritwelah puk sacn nohfohn. Nga etuh tari mwe sramsram ke Puk luhn Mormon uh tuhsruhktuh nga soena riti nohfohn. Ingena nga ke karihngihn olwelah luhk.
Lutiyuck nuh sihk in moulkihn ma suhmuhslah ke moul luhk fuhkah ac oruh in mwe sacohk nuh sihk. Oruh ke nga riti an, nga suhmuhslah ke muhtuhn sra puk se ma nga pahngon muh nuhnak yohk ke pohloh sramsram ingacn oasr kac uh. Nga oacyacpac lainiyac kahs ac pohloh kahs kac an in ahkkahlwemye mwe ahkyohkye an.
Nga fihliyac inek siskin inen ma suhmuhslah an in kahsreyuc in esam lah kahs luhn God tuh sruhmuhnyuck nuh sin mwet sahyac an kuh in oacyacpac sruhmuhnyuck nuh sihk. Sie srihkasrak, ke 2 Nephi 2:28 nga suhmuhslah inek in fahk ohinge: “Ac ingena, [Hillary], nga kwacfwe kom in ngwet nuh sin Kraist, ac lohacng nuh ke masap yohk lal.” Kais sie pacl ke nga oruh Puk luhn Mormon in nuhtihk sifacna, nga rahrah liki met in riti lwen nuh kwewa.
Ke nga riti lwen nuh kwewa, pruhe luhk puhla sacohk ac sifacna. Nga oayacpac kahsreyuck in porongo nuh ke kuhlahs luhk ac ukwe kolyuck luhn Nguhn in kawuck nuh sin mwet sahyac. Ke fong sahflah luhn yac an, Nga ahksahfye Puk luhn Mormon.
Na Nga kahlwem ke yohk srihpac in riti Puk luhn Mormon nohfohn, weacng ma suhmuhslah sahyac an, ac nga ke sulpac riti puk se inge pacl pucspucs ke moul luhk.