Ennaan eo an Būreejtōnji eo Kein Kajuōn, Jeptōm̧ba 2010
Bok in Mormon āinwōt juōn Ad Make Kein Tōl
Aolepād wōj jej en̄jake, ilo iien ko ad rem̧m̧an tata, juōn kōņaan n̄an jepļaak n̄an m̧weo n̄an jokwe ippān Anij. Eaar letok n̄an kōj menin letok eo an Nejin Jitenbōro āinwōt ad Rilo̧mo̧r n̄an ņaļōmen ial eo im n̄an katakin kōj wāween ļoore. Eaar letok n̄an kōj Rikanaan ro n̄an jitōn̄ļo̧k ial eo. Rikanaan Joseph Smith kar im̧we n̄an ukōte ļook eo an rikanaan ro eo ej Bok in Mormon. Ej ad tōl em̧ool ilo ial eo ļo̧k n̄an m̧weo n̄an ippān Anij.
Joseph Smith eaar ba kōn em̧m̧an eo an bok eo, “Iaar jiron̄ em̧m̧aan ro jeiū im jatū bwe Bok in Mormon eaar bok eo ejim̧we tata iaan bok ko ioon laļ in, im pedped eo ad ilo kabun̄ eo, im juōn armej emaron̄ epaakeļo̧k n̄an Anij jān an to an pād kōn kien makūkūt ko e, jen jabdewōt bok ko jet.”1
Makūtkūt ko loori an Bok in Mormon rej kien ko an Anij im jej loe e. Jet rej kien ko kaju jen Rilo̧mo̧r eo n̄an Rikanaan ro An āinwōt n̄an ta ko jej kōm̧m̧ani im ta eo n̄an erom. Bok in Mormon eaar letok n̄an kōj waanjon̄ok ko an Rilo̧mo̧r eo n̄an kōļapļo̧k ad tōmak im kije n̄an pokake An kain̄ n̄an loor E. Bok eo eoprak kōn katak an Kraist n̄an tōl kōj. Ijin ej juōn waanjon̄ok jān 2 Nephi
“[Jisōs] eaar jiron̄lok ajri ro nejin armej: Kom̧in Loor iō. Kōn menin, em̧m̧aan ro jeiū im jatū jitōnbōro, jemaron̄ ke loor an Jisōs loor eo jenaaj m̧ōnōnō n̄an kōjparok kien ko an Jemen?
“Im ej ba n̄an ro nejin armej Kom̧in loor Eō;Kom̧in ukweļo̧k,kom̧in ukweļo̧k, im baptaisilo etan ilo etan eo Nejū Jitenbōro” (2 Nipai 31:10–11).
Bok eo eaar kōm̧m̧an kōn ejjelok men ko kobaiktok me jej aikuj in bōk Jetōb Kwojarjar āinwōt juōn kijeek ilo iien peptaij n̄an jipan̄ kōj pād wōt ioon ioon iaļ eo edik im eaidik. Emōj katak in kōj aolep iien n̄an jar ilo etan Jisōs, jab jajeļo̧kjen, im bwe eļan̄n̄e jenaaj kōm̧m̧ane, jej bōk kalim̧ur in: “Kōnke menin, kom̧ij aikuj bun̄ m̧aanļo̧k kōn dim ilo Kraist kōn juōn kōjatdikdik emeram, im juōn iakwe n̄an Anij im armej otemjelok. Kōn menin, n̄e kom̧ naaj bun̄ m̧aanlok, kwojkwoj ioon naan an Kraist,im niknik n̄an jem̧ļo̧kin, lo,āindein Jemān ej ba: Kom̧ naaj bōk mour indeeo” 2 Nipai 31:20).
Bok in Mormon eaar kōm̧m̧an kōn ejjelok men ko kobaiktok ilo katak ko rem̧m̧an an Kiin̄ Benjamin kōn ta meļeļeik n̄an bōk juōn iakwe n̄an Anij im armej otemjelok. Eļan̄n̄e mejatoto ko ad rar oktak jān kajoor an Pinmuur im kōn ad tōmak im pokake kien ko, jenaaj oprak kōn iakwe eo an Anij (lale Mosaia 4:1–12).
Bok in Mormon eaar barāinwōt letok n̄an kōj leke eo bwe jen maron̄ oktak im lukkun erreo ilo mour in bwe jen jab bar bōk elaplok kōņaan n̄an kōm̧m̧ani men ko renana (lale Mosaia 5:2). Kōjatdikdik in eaar letok n̄an peran im aenōm̧m̧an ilo an Setan kajjion̄in kapo im jab kōperan kōj ilo iaļ ko ad.
Kajjojo iien ij riiti jejjo lain ilo Bok in Mormon, Ij en̄jaake an naan in kam̧ool eo aō ej kajoorļo̧k bwe bok in ej m̧ool, bwe Jisōs ej Kraist, bwe jemaron̄ ļoore ļo̧k n̄an m̧weo, im bwe jemaron̄ bōk ro jej iakwe er n̄an m̧weo ippād. Men in eaar n̄an iō kōn bok eo ilubwilijin bok ko. Ej naan eo an Anij.
Ij jar bwe kōj im aolep ro jej iakwe er naaj idaak ilo m̧wilaļ im aolep raan jāne. Ij kam̧ool ilo etan Jisōs Kraist bwe ej juōn tōl em̧ool.
© 2010 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin English: 6/09. Kōmālim n̄an ukōte: 6/09. Ukook eo an First Presidency Message, September 2010. Marshallese. 09369 874
Katakin jān Ennaan In
“Eļan̄n̄e jej kōjerbal jeje ko rekwojarjar im naan ko an rikanaan ro ilo raan kein āliktata āinwōt jipan̄ n̄an aolepen katak ko ad, jej karuwaineneik Jetōb eo n̄an kwaļok m̧ool. Menin e boktok n̄an katak ko ad kajoor eo an Anij n̄an kwaļok m̧ool n̄an armej D&C 11:21” (Teaching, No Greater Call [1999], 51). Kōlmenlokjen ilo am riiti jān ennaan eo an Būreejtōn Eyring, ekoba naan eo an Joseph Smith kōn Bok in Mormon. Karuwaineneiktok ro uwaan baamļe eo n̄an kwaļok waween mour kōn katak ko ilo ilo Bok in Mormon ilo an jipan̄ er epaakelok n̄an Anij.
“Eļan̄n̄e rikatak ro rej kōnono kōn katak ko jān jeje ko rekwojarjar, rej kōlaplok kapeel ko rej aikuji n̄an iien aer make katak kōn jeje ko rekwojarjar” Teaching, No Greater Call 54). Kōlmenļo̧kjen ilo am riiti jeje ko rekwojarjar ko rej iooklok wōt ennaan in im kapukōt n̄an im kōnono kake katak ko rej ekkatak kaki.