Այցելող Ուսուցիչների Ուղերձ, Սեպտեմբեր 2010

Աճող սերնդի համար հոգ տանելու մեր պարտականությունը

Ուսումնասիրեք այս նյութը և, ինչպես հարմար է, քննարկեք այն քույրերի հետ, ում այցելում եք: Օգտագործեք հարցերը, որոնք կօգնեն ձեզ ամրացնել ձեր քույրերին և դարձնել Սփոփող Միությունը ձեր իսկ կյանքի ակտիվ մասը:

Նկար

Relief Society seal

Հավատք • Ընտանիք • Սփոփանք

Սուրբ գրություններից

Առակաց ԻԲ.6, Եփեսացիս Զ.4, Ենովս 1.1, Ալմա 53.20-21, 56.47, 57.27

Առանց հոգատարության մեր աճող սերունդը կարող է Մոսիա 26-ում նկարագրվող սերնդի նման դառնալու վտանգի առաջ հայտնվել: Շատ երիտասարդներ չէին հավատում իրենց հայրերի ավանդույթներին և դարձան առանձին մի ժողովուրդ՝ ինչ վերաբերվում է նրանց հավատքին, ընդմիշտ այդպիսին էլ մնալով: Մեր աճող սերունդը նմանապես կարող է շեղվել ճանապարհից, եթե նրանք չհասկանան իրենց դերը Երկնային Հոր ծրագրում:

Այսպիսով, ի՞նչը կարող է աճող սերնդին ապահով պահել: Եկեղեցում մենք սովորեցնում ենք փրկող սկզբունքներ, և այդ սկզբունքները ընտանեկան սկզբունքներ են, սկզբունքներ, որոնք կօգնեն աճող սերնդին ընտանիք կազմել, սովորեցնել այդ ընտանիքին, և նախապատրաստել այդ ընտանիքին արարողությունների և ուխտերի համար, և այնուհետև հաջորդ սերունդը կսովորեցնի հաջորդին, և այդպես շարունակ:

Որպես ծնողներ, ղեկավարներ և Եկեղեցու անդամներ մենք պատրաստում ենք այս սերնդին Աբրահամի օրհնությունների համար, տաճարի համար: Մենք պարտավորություն ունենք շատ հստակ լինել ընտանիքի մասին հայտարարության մեջ գտնվող կարևոր վարդապետությունների կարևոր դրույթների վերաբերյալ: Մայրությունը և հայրությունը հավերժական դերեր ու պարտականություններ են: Մեզանից յուրաքանչյուրը պատասխանատու է ծրագրի արական կամ իգական կեսի համար:

Մենք կարող ենք սովորեցնել այս վարդապետությունը ցանկացած միջավայրում: Մենք պետք է հարգանքով խոսենք ամուսնության և ընտանիքի մասին: Եվ մեր օրինակից աճող սերունդը կարող է մեծ հույս ու հասկացողություն ստանալ, ոչ միայն բառերից, որ մենք ասում ենք, այլ ընտանիքի հոգին զգալու և տարածելու ուղիներից:

Ջուլի Բ. Բեք, Սփոփող Միության գերագույն նախագահ

Մեր պատմությունից

1995թ. սեպտեմբերի 23-ին Սփոփող Միության ընդհանուր հավաքին Նախագահ Գորդոն Բ. Հինքլին, քույրերին դիմելով, ասել է. «Աշխարհը, որում մենք ապրում են, անկարգության, փոփոխվող արժեքների աշխարհ է: Տհաճ ձայները տարբեր բաներ են աղաղակում ժամանակի ընթացքում փորձված վարքագծի չափանիշներին հակառակ»:¹ Այնուհետև Նախագահ Հինքլին շարունակեց՝ քույրերին, Եկեղեցուն և, ի վերջո, ողջ մարդկությանը ներկայացնելով «Ընտանիք՝ հայտարարություն աշխարհին» փաստաթուղթը:

Հետագա տարիների ընթացքում այս մարգարեական փաստաթուղթը թարգմանվեց մի շարք լեզուներով և տարածվեց աշխարհի ղեկավարներին: Այն խնդրում է քաղաքացիներին և կառավարության պաշտոնյաներին «միջոցառումներ անցկացնել ուղղված ընտանիքների, որպես հասարակության հիմնական միավորների, պահպանմանն ու ամրապնդմանը»:²

Հայտարարությունը Վերջին Օրերի Սրբերի համար դարձել է ընտանիքի վերաբերյալ հիմնարար սկզբունք, հայտարարություն, որից մենք կարող ենք ամուր բռնել և իմանալ, որ դրա ցուցումներով ապրելով մենք ամրացնում ենք մեր ընտանիքներն ու տները:

© 2010 by Intellectual Reserve, Inc. Բոլոր իրավունքները պաշտպանված են: Printed in USA. Անգլերենի հաստատումը. 6/09: Թարգմանության հաստատումը. 6/09: Visiting Teaching Message, September 2010 -ի թարգմանությունը: Armenian 09369 201

Ի՞նչ կարող եմ ես անել:

Ինչպե՞ս կարող եմ ես օգնել իմ քույրերին օգտագործել «Ընտանիք՝ Հայտարարություն աշխարհին»-ը աճող սերնդի համար հոգ տանելիս: Դուք կարող եք կիսվել հայտարարության օրինակներով և օգնել ձեր քույրերին գտնել և նշել այն հատվածները, որոնք լավագույնս կսովորեցնեն հիմնական վարդապետությունները:
Ինչպե՞ս կարող եմ հոգ տանել աճող սերնդի համար: Դուք կարող եք ձեռք մեկնել ձեր ծխի, ճյուղի, ընտանիքի կամ հասարակության անդամներին, ում օգտակար կլինեն ձեր ուշադրությունն ու սերը: