Jodikdik
Turājet eo Emeram in an Kidu Kūjkūj
Ilo jam̧ōr 2009, kidu eo nejin eo m̧ōtta eaar kūji Meja. Jerata, ikkij eo eaar kōpeļļoke tieō, im Iaar aikuj kiji kōn tōreej.
Jān jorrāān eo, Ikar lukkuun būrom̧ōj. Iaar kōtļo̧k jerata n̄an kōjjeikik ļōmņak ko aō, im Iaar en̄jake āinwōt aolepen ānbwinnū ekar jorrāān. Ikar inepata kōn tieō im jab kōņaan etaļ n̄an jikin eļōn̄ armej ie ak lo̧o̧pilej. Ilo kōlmenļo̧kjeņ eo aō karok ko n̄an o̧kōn, ikkure bo̧o̧l kōn pā, jar, aōō, im jikuuļ rekar jorrāān jān jorrāān eo aō.
Bōtaab jabdewōt iien Ij jar, bōk kōjeram̧m̧an an priesthood, kōnnaan ippān jinō im jema, ak bōk loļok ko jān baam̧le eo aō im ro m̧ōtta, jetōb ko aō rej wallōn̄ļo̧k im Ij en̄jake m̧ōņōņō ilo iien liājļōļ. Tokālik Iaar kile bwe ke armej rekar ļōmņak kōn jorrāān eo aō, rekar en̄jake tiriamo.
En̄jake in ej jipan̄ kālōk kadkadū, im Iaar katak n̄an jab inepata kōn ta eo armej rej ļōmņak kōn n̄a. Iaar barāinwōt jeram̧m̧an kōnke jorrāān eo aō ejipan̄ eō kile bwe Iaikuj kadikļo̧k aō ļōmņak kōn n̄a make im jino kōlapļok aō kea kōn ro jet. Jetōb eo Aō ekar lapļo̧k im kajoorļo̧k ilo iien eo.
Ikar katak bwe jerata ej juōn m̧ōttan karok eo an JemedIlan̄ n̄an kōj. Eļan̄n̄e jej kappukōt em̧m̧an im jab nana, jemaron̄ eļļā jen jerata, erom armej em̧m̧an, im kōtļo̧k en̄jake eo n̄an kōkajoorļo̧k naan in kam̧ool eo ad.