Mulwol ni Ngan Fil ni Ngan Nang, July 2011

Mub ko Temple mag Yoeg e Pi Tawa’ath Rom

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Ulung ko bpin ko Galasia ni bang ko yafos rom.

Mich • Tabinaw • Ayuw

Walageg nib piin, fal’ wathan dad. Be sak’iy Tathapeg ni ir lolgen e re Galasia ney. Be gagyeg nag dad e pi profet ni ba’. Ba’ fapi Chep nib thothup rodad. Ma bay bukun e temple nib thothup rodad u dakean e fayleng ni gin ni rayog ni ngad ngeyog e pi gam’ing nib ga’ fan ma ra ayuweg dad ni ngad suled ngak e Chitamangdad nu Tharmiy.

Gadad ma yaen nga temple ni fan ngodad. “Fan nib ga’fan ko fare temple,” nibe weliy Elder Robert D. Hales ko fare Ulung ko fare Ragag u Apostle, “e nge pi’ e pi gam’ing nib ga’fan ni fan ko falfalen’ rodad u lane celestial kingdom. Pi gam’ing ko temple e ma gagyeg nag dad ngak e Tathapeg rodad me pi’ e pi tawa’ath ngodad ni ra yib ngodad ko fare Bayul ku Yesus Krsitus. Pi temple e bang ni tha’abi mangil ni nge fil e gidii’ ban’en riy , me pi’ ngodad e llowan’ nge ganop ni mornga’agen e fayleng nikan Sunmiy. Re tawa’ath ko temple e pi’ e kanawo’ ni rogon ni ngad rrin’ed u lane yafas rodad u roy. … Fare gam’ing e bay mornga’agen ko rogon ni ngad pired ma pi m’ag ni kad fal’eged ni ngan paer ni yib mangil ni ngan leak e Tathapeg rodad.”¹

Machane muruwel rodad ko temple e darma mus u roy. President Boyd K. Packer, President ko fare Ulung ko fare Ragag nge L’agruw i Apostle, e ke fil ni: “Rrin’ ban’en ni fan bee’ nike yim’, e gara sul u dakean fapi m’ag nikam fal’eg. Ra yib ban’en ko tafney rom e pi tawa’ath ni rib mangil ni kan ayuweg u lane na’un ku Somoel. … U lane pi m’ag nge pi gam’ing e lukngun ko pi tawa’ath ni gara yoeg u lane temple.”²

Mub nga temple mu kumub biyay. Fal’eg mag cha’ariy e pi m’ag ko temple e ra ta’ dad ko kanawo’ ko n’en ni tha’abi mangil ko gubin e tawa’ath ni—yafos ni manechubog.

Barbara Thompson, bin l’agruw e counselor u lan fare Relief Society general presidency.

Ko fapi Babyor nib Thothup

Isaiah 2:3; 1 Korinth 11:11; Revelation 7:13–15; Doctrine and Covenants 109

Rok e pi Chep nge Yalen Rodad

Ke non Profet Joseph Smith ko mo’olung ko Ulung ko bpin ko Galasia. Ko fare Temple u Nauvoo ni kiyibe toey, e non fare Profet ko fapi sister u lane machib, ni ngan fal’eg rogon rad ni ngeyog e llowan’ ngorad ko fapi gam’ing ko temple. U lan 1842 me yoeg ku Mercy Fielding Thompson ni re tawa’ath nem e ra “chuwegnem u fithik e lumor iyan nga fithik e tomilang.”³

Urngin ni kan tha’eg ma 6,000 e Girdi’en Got ko Tin Tomur e Rran nike yog e pi gam’ing u temple ngorad um’on fare chuur u Nauvoo. President Brigham Young (1801–77) e ke ga’ar, “Kari gel e gafgow ni ke guy fapi girdi’en Got ni ngeyog e pi gam’ing ngorad [ko fare temple], ku aramrogon ngomad ni yibe ayuweg rad, ni ku pi’yeg ko muruwel rok Somoel u lan fare Temple napan e nep nge rraan, dar gaman aningeg e awa ni gube mol, aramrogon, gubin e ran, ma guma yan nga tabinaew ta’abiyay u lan reb e wik.⁴ Gelngin e pi m’ag ko temple e ke fal’eg rogon girdi’en Got napan ni kar chuw gad u tafen rad nge temple rorad ni ngar ranoed i yan nga bang ni dan nang.

© 2010 ko Intellectual Reserve, Inc. Gubin ni mot’won ma bay. Nni yoloy u Mariken. Kan micheg nag ko thin nu Ngalis: 6/10. Micheg nag i pilyeg : 6/10. Ni pilyeg ko Visiting Teaching Message, July 2011. Yapese. 09767 905

Mange Rayog Nggu Rin’?

Mang e pi n’en ni ragu weliy ni nge gel nag e picha’an ni gube guy ni ngar “baed nga temple”?
Urogon ni rayog ni ngoeg e pi tawa’ath ko fare temple?