Padahk Kan ong Atail Ansou

Padahk kan en kapahieu en Rahn Sarawi kan en Priesthood en Melkisedek oh Pwihn en Sawas en Lih pahn pid “Padahk Kan ong Atail Ansou.” Ehuehu padahk kan kak en kaunopda sang ehu padahk de tohtohsang me kohda nan tiepene lap me imwisekla keieu kerendo. President kan en stake oh district kak en pilada mehnia padahk me konehng en doadoahk, de re kak kepwukoahki pisop kan oh president kan en prans pwukoa wet. Kaun kan konehng kangoangehki koaros kesempwalpen ohl akan en Priesthood en Melkisedek oh lih akan en Pwihn en Sawas en Lih irail en koaros onopiki padahk kan te me pilipilda ni Rahn Sarawi kapahieu pwukat a en dehr wekpeseng me re onopiki.

Irail akan me towehda padahk kan en kapahieu en Rahn Sarawi kan alehdi kangoang en onopiki oh wahdo ni wasahn kasukuhl makasihn kapw me audaudiki padahk kan en tiepene lap me imwisekla keieu kerendo.

Kaweid Kan ong Kaunopadahn Padahk ehu sang Padahk Kapahrek Kan

Kapakapki Ngehn Sarawi en ieiang uhk ni omw pahn onopiki oh padahngki padahk(kan). Ke mwein pahn kasongosong en kaunopada padahko sang iren sawas teikan, ahpw padahk kan en tiepene lap iei me koasoandi oh kamanaman en padahk. Ahmw pwukoa iei en sewese mehteikan esehla oh momourki rongamwahuo ni duwen eh padahk nan tiepene lap en Mwomwohdiso me keimwsekla keieu kerendo.

Tehksapahl padahk(kan), raparapahki tepin padahk kan oh padahk kan me apwaliala anahn akan en towe kan en pwihn. Pil rapahki soai kan, ire kan en pwuhk sarawi, oh iren mahsen kan sang padahk(kan) me pahn seweseiuk padahkih mehlel pwukat.

Wiahda ehu oaralap en duwen padahkih tepin padahk kan oh padahk kan. Oaralap wet konehng en iangahki peidek kan me pahn sewese towe kan en pwihn:

Rapahki tepin padahk kan oh padahk kan nan padahk kapahrek(kan).
Medewe duwen wehweparail.
Ehukihda wehwe, iren madamadau kan, irair kan, oh kadehde kan.
Doadoahngki de kadokehki tepin padahk oh padahk pwukat nan arail mour kan.

Sounpwong Kan Me Padahk Kan Pahn Kohda	Dipwisoun Padahk Kan ong Kapahieu en Rahn Sarawi
Nohpempe 2011– Epreil 2012	Padahk kan me ntingda nan Nohpempe 2011 Liahona*
Mei 2012–Oaktohpe 2012	Padahk kan me ntingda nan Mei 2012 Liahona*