Ko Hono ʻOmi ʻo e Palaimelí ki ʻApi
Ko e Tauʻatāina ke Filí ko e Meʻafoaki Ia ke Tau Fili Maʻatautolu Pē
ʻE lava ke ke fakaʻaongaʻi e lēsoni mo e ʻekitivitī ko ʻení ke lahi ange ai hoʻo ʻilo ki he kaveinga ʻa e Palaimelí ki he māhina ní.
Naʻe pehē atu e tangataʻeikí, “Suliana, ʻofa ke ke maʻu ha ʻaho fāʻeleʻi fiefia!” Naʻá ne ʻoange leva ha puha kia Suliana ʻoku kofukofu ʻaki ha pepa ngingila pea haʻi ʻaki ha līpine.
Naʻe malimali ʻa Suliana. Naʻá ne fiefia ke maʻu ha meʻaʻofa mei heʻene tamaí pea ʻikai ke faʻa tatali ke fakaava e puhá.
ʻOkú ke fiefia nai hangē ko Sulianá he taimi ʻokú ke maʻu ai ha meʻaʻofá? Naʻe foaki mai kiate kitautolu takitaha ʻe he Tamai Hēvaní ha meʻaʻofa mahuʻinga. Naʻe ui ia ko e tauʻatāina ke filí. Ko e tauʻatāina ke filí ko hoʻo malava ke fai pē hoʻo filí.
Ki muʻa pea tau haʻu ki he māmaní, naʻe ʻikai loto ʻa Sētane ia ke lava ha taha ʻo fai haʻane fili. Naʻá ne loto ke fakamālohiʻi kitautolu ke tau haʻu ki māmani pea fai e meʻa ʻokú ne loto ke tau faí. Ka naʻe ʻafioʻi ʻe he Tamai Hēvaní ʻoku mahuʻinga ke tau fai ʻetau filí. ʻOku tau toe ofi ange ki he ʻOtuá mo Sīsū Kalaisi ʻi he fili kotoa pē ʻoku tonú. ʻOkú na loto ke tau fai ʻa e fili ʻoku totonú kae lava ke tau toe foki hake ʻo nofo fakataha mo Kinaua.
ʻOku tau ako he taʻú ni ʻi he Palaimelí ʻa e founga te tau fakaʻaongaʻi ai ʻetau tauʻatāina ke filí ʻi he FKT—fili ki he totonú!
Ngaahi tā fakatātā ʻa Maryn Roos