Tohi ki he ʻĒtitá
Ko ha Meʻangāue Mālohi
Kuó u totongi maʻu pē ʻeku Liahoná, ka ʻi he taimi ne u māmālohi ai peé, naʻe ʻikai ke u faʻa toutou lau ia. Lolotonga ʻeku fakamaʻa ha kōpate ʻi ha ʻaho ʻe taha, ne u maʻu hake ha ngaahi Liahona motuʻa ʻaupito. ʻI heʻeku lau hifo kinautolú, ne maʻu ʻeku tokangá ʻe ha talanoa ʻe taha. Ko ha talanoa ki ha fefine naʻe taʻu lahi ʻene māmālohi pē pea naʻe ʻikai pē toe fakakaukau ia ke foki ki he siasí. Ka ne ueʻi fakalaumālie ha pīsope ke ui ia ki ha fatongia, peá ne liʻaki ai hono ngaahi ʻulungāanga naʻe koví kae foki. Naʻe ongo ʻaupito kiate au ʻa e talanoá ni—ko e fuofua sitepu ia ki heʻeku foki ʻo mālohi he Siasí. Kuo ʻosi ʻeni ha ngaahi taʻu lahi mei ai, pea ʻoku hoko ʻa e Liahoná ko ha meʻangāue mālohi ʻi homau ʻapí. ʻOku tokoniʻi kimautolu ʻe he faleʻi, fakahinohino, mo e ngaahi fakamoʻoni ʻi he makasiní ʻi he ʻaho kotoa pē.
Moema Lima Salles Broedel, Palāsila
Ngaahi Talanoa maʻá e Fānaú—mo e Kakai Lalahí
Ko e faʻē au ʻa ha tamasiʻi kei siʻi, pea ʻoku ou manako ke lau kiate ia ʻa e ngaahi talanoa maʻá e fānaú mei he Liahonáʻi he pō kotoa pē kimuʻa pea mohé. Kuo hoko foki ia ko ha tāpuaki kiate au, he naʻá ku ako ai kau kia Sīsū Kalaisi, ko e Palōfita ko Siosefa Sāmitá, ʻa e loto ʻapasiá, lotú, mo e ngaahi meʻa lahi kehe. ʻOua naʻa tuku e ngāue leleí!
Silvia Ruiz de Muñoz, ʻEkuatoa