Kiʻi Tohi Fakamatala ʻo e Konifelenisi ʻo ʻOkatopá
“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pē ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).
ʻI hoʻo toe vakaiʻi ko ia ʻa e konifelenisi lahi ʻo ʻOkatopa 2011, ʻe lava ke ke fakaʻaongaʻi ʻa e ngaahi pēsí ni (mo e ngaahi Tohi Fakamatala Konifelenisi ʻi he ngaahi pulusinga he kahaʻú) ke tokoni atu ki hoʻo ako mo fakaʻaongaʻi ʻa e ngaahi akonaki fakamuimuitaha ʻa e kau palōfita mo e kau ʻaposetolo moʻuí.
Ko ha Talaʻofa Fakaepalōfita
“Kuo teʻeki ai ha ʻaho te u taʻe fetuʻutaki ai mo ʻeku Tamai Hēvaní ʻi he lotu. Ko ha fetuʻutaki ia ʻoku ou mataʻikoloa ʻaki—ka ne ʻikai ia ko e moʻoni te u hē. Kapau ʻoku teʻeki ai ke ke maʻu e faʻahinga fetuʻutaki ko iá he taimí ni mo hoʻo Tamai Hēvaní, ʻoku ou tapou atu ke ke ngāueʻi e taumuʻa ko iá. ʻI hoʻo fai iá, te ke maʻu ai e totonu ki Heʻene ueʻí mo e tataki fakalaumālie ʻi hoʻo moʻuí—ko ha meʻa ʻoku tau fuʻu fie maʻu ʻo kapau ʻoku tau fie moʻui fakalaumālie lolotonga ʻetau fononga ʻi he māmaní. Ko e faʻahinga ueʻi fakalaumālie mo e tataki ko iá, ko ha ongo meʻafoaki ia ʻokú Ne ʻomi taʻetotongi maʻatautolu ʻo kapau pē te tau fekumi ki ai.”
Palesiteni Thomas S. Monson, “Tuʻu ʻi he Ngaahi Potu Toputapú,” Liahona, Nōv. 2011, 84.
ʻAlu ʻo Fai Ia
Naʻe akoʻi ʻe ʻEletā L. Tomu Peuli ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē ke tau maʻu ha mahino lahi ange ki he Siasí, ʻoku totonu ke tau:
-
“Loto-toʻa ʻi hono talaki ʻo Sīsū Kalaisí. Ko hotau lotó ke ʻiloʻi ʻe he kakai kehé ʻoku tau tui ko Ia ʻa e tokotaha mahuʻinga taha ʻi he hisitōlia ʻo e tangatá.”
-
“Hoko ko ha faʻifaʻitakiʻanga angatonu ki he niʻihi kehé. … ʻOku totonu ke hoko ʻetau moʻuí ko ha faʻifaʻitakiʻanga ʻo e angaleleí mo e angamaʻá ʻi heʻetau feinga ke muimui ʻi Heʻene faʻifaʻitakiʻangá ke mamata ki ai ʻa māmani.”
-
“Lea ʻo poupou ki he Siasí. ʻOku tau monūʻia lolotonga ʻetau moʻui fakaʻahó ke maʻu ha ngaahi faingamālie lahi ke vahevahe ai mo e niʻihi kehé ʻa e meʻa ʻoku tau tui ki aí.”
Mei he “ʻOku Tekeʻi Atu ʻa e Manavaheé ʻe he ʻOfa Haohaoá,” Liahona, Nōv. 2011, 42–43.
Fakafonu ʻa e ngaahi meʻa ʻoku fakaʻataá
-
“ʻE hanga ʻe hono ako ʻi he faʻa lotu ʻo e ʻo langaki e tui ki he ʻOtua ko e Tamaí, Hono ʻAlo ʻOfaʻangá pea ʻi Heʻene ongoongoleleí. Te ne langaki ʻa hoʻomou tui ki he kau palōfita ʻa e ʻOtuá ʻi he kuonga muʻá mo onopōní. ʻE lava ke ne ʻave kitautolu ke tau ofi ange ki he ʻOtuá ʻo laka ange ia ʻi ha toe tohi. ʻE lava ke ne liliu ha moʻui ke lelei ange.” (Henry B. Eyring, “Ko ha Fakamoʻoni,” Liahona, Nōv. 2011, 70.)
-
“ʻE lava ke hoko ʻa e ko ha kaungāmeʻa mamae he ʻikai fakavaivaiʻi ʻi he taʻau ʻo taimí.” (Richard G. Scott, “Ko e Mālohi ʻo e Folofolá,” Liahona, Nōv. 2011, 6.)
-
“Kiate kinautolu ʻoku fakakaukau ʻoku taʻe totonu e faingataʻa ʻoku nau fepaki mo iá, ʻoku fālute ʻe he ʻa e ngaahi tō nounou kotoa ʻo e moʻuí.” (Quentin L. Cook, “Ko e Hiva Naʻe ʻIkai Lava Ke Nau Hivaʻí,” Liahona, Nōv. 2011, 106.)
-
“ʻI he taimi ʻoku tau maʻu ai ʻa e , ʻoku tau loto fiemālie ke ngāue mo tokoniʻi e niʻihi kehé ʻi he taimi ʻoku ʻikai faingamālie aí pea ʻikai ha fakakaukau ke fakatokangaʻi pe fakafetongi mai.” (Silvia H. Allred, “ʻOku ʻIkai Fakaʻau ʻo Ngata ʻa e ʻOfá,” Liahona, Nōv. 2011, 115.)
Toʻohemá: Tā fakatātaai ʻe Paul Mann; toʻomataʻú: Ko e ʻEiki ko Sīsū Kalaisí, fai ʻe Del Parson © 1983 IRI; faitaaʻi ʻe Emily Leishman; Ngaahi Tā Valivali ʻo e laʻitaá fai ʻe John Luke mo Christina Smith