Naan in Katak an Kōra, Jānwōde 2012
Mije im Kwaļo̧k kōn Naan in Katak an Kōrā
Katak kōn kein katak in im, n̄e ekkar, ekōnono kake ippān jejtōr ro kom̧ij loļo̧k.Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am̧ make.
Tōmak, Baam̧le, Doulul
“Meļeļe in io̧kwe em̧ool n̄an er ekar ļapļo̧k jān juon en̄jake in meanwōr,” Būreejtōn Henry B. Eyring, Rikōkapilōklōk eo Kein Kajuon ilo Būreejtōnji eo Kein Kajuon eaar katakin, “Io̧kwe em̧ool ej waļo̧ktok jān tōmak ilo Irooj Jisōs Kraist im juōn jelōt in Pinmuur eo An.”1 N̄an jejtōr ro ilo Doulul eo an Kōrā, katakin loļo̧k an kōrā emaron̄ in iakwe-em̧ool ilo m̧akūtkūt, juon wāween eaorōk n̄an kōjerbal tōmak eo ad ilo Rilo̧mo̧o̧r eo.
Kōn katakin loļo̧k an kōrā, jej kōm̧m̧ane mije eo kōn kōnono ippān kajjojo jejtōr, kwaļo̧k juon ennaan an ko̧jpeļ eo, im pukōt n̄an jeļā aikuj ko an im baam̧le eo an. “Katak in loļok ko an kōrā ej erom̧ juōn jerbal an Irooj n̄e ej pedped ioon armej im ijello̧k in wōnāān.” Julie B. Beck, būreejtōn eo eutiej an Doulul eo an Kōrā ej kōmeļeļeiki. “Ilo m̧ool, katak in loļo̧k ko an kōrā rejjamin jemļo̧k. Ej āinwōt juōn wāween mour jān juōn jerbal. Tiljek ilo am̧ jerbal āinwōt juōn rikaki in loļo̧k kōrā ej kam̧ool kōn kaļoor ko ad”2
Ilo ad leļo̧k mije eo ilo jar ekajoor im ejjab m̧ūjkōk, jej katak ewi wāween kwaļo̧k ilo ijo em̧m̧an tata n̄an im tōpare aikuj ko an kajjojo jejtōr im baam̧le eo an. Kwaļo̧k emaron̄ in bōk elōn̄ jekjek ko—jet reļļap im jet rejjab eļļap. “Emakijkij an m̧akūtkūt in jerbal in jipan̄ ko reddik rej aolepen men eo ej menin aikuj n̄an kotak im kōjeram̧m̧an doon: juon kajjitōk ikkijien juon baam̧le an juon armej, naan in kōketak ko rem̧ōkaj, juon nōbar em̧ool, juon noot jidikdik in kam̧oolol, juon kōnono ilo talboon ejjab aikuj,” Būreejtōn Thomas S. Monson eaar katakin. “Eļan̄n̄e jej rilale im jeļā, im eļan̄n̄e jej m̧akūtkūt ekkar n̄an im̧we ko me rej itok n̄an kōj, jemaron̄ kadedeļo̧k eļap em̧m̧an. … M̧akūtkūt in jerbal in jipan̄ ko rellōn̄ kar kōm̧m̧ani jān elōn̄ rūkaki in loļo̧k an kōrā an Doulul eo an Kōrā.”3
Jān Jeje Ko Rekwojarjar
Jon 13:15, 34–35; 21:15; Mosaia 2:17; Doctrine and Covenants 81:5; Moses 1:39
Jān Bwebwenato eo Ad
Ilo 1843, membōr ro an Kabun̄ in ilo Nauvoo, Illinois, kar ajej n̄an emen ward ko. Ilo Juļae in ejja iiō eo wōt, ritōl ro an Doulul eo an Kōrā kar jitōn̄ juon kamiti in loļo̧k an emen jejtōr ro n̄an kajjojo ward. Eddo ko an kamiti in loļo̧k eo ekoba jon̄e jon̄an aikuj ko im aiin menin jipan̄ ko. Doulul eo an Kōrā kar kōjerbal menin jipan̄ ko n̄an leļo̧k n̄an riaikuj.4
Ilo an jako an rūkaki in loļo̧k ro an kōrā aiin menin jipan̄ ko, rej bōk eddo eo n̄an jon̄e jon̄an aikuj ko—ilo jetōb im kanniōk—im n̄an jerbal n̄an tōpar aikuj kein. Eliza R. Snow (1804–87), būreejtōn eo eutiej kein karuo an Doulul eo an Kōrā, eaar kōmeļeļeik: “Juon rūkaki … ej aikuj kanooj lale bwe ļap ijo an Jetōb eo an Irooj, ilo an deļo̧n̄e juon em̧ n̄an jeļā ta jetōb eo ej aikuj ijo. … Akweļap im̧aan Anij im Jetōb Kwojarjar eo n̄an bōk [Jetōb eo] bwe kwonaaj maron̄ tōpar jetōb eo me ameņak ilo m̧weo … im kon maron̄ en̄jake n̄an kōnono naan in aenōm̧m̧an im kaenōm̧m̧an ko, im eļan̄n̄e kwoj lo juon jejtōr ej pio̧, bōke ilo būruwōm̧ āinwōt am̧ naaj kar n̄an juon ajri edik kōmeņeņ [e] ubōm̧.”5
© 2012 jen Intellectual Reserve, Inc. Aolep jim̧we rej pād ippān. Kar jeje ilo Amedka. Kōmālim kajin English: 6/11. Kōmālim Ukook eo: 6/11. Ukook eo an Visiting Teaching Message, January 2012. Marshallese. 10361 874
Ta Eo Imaron̄ Kōm̧m̧ane?
-
Ta eo Ij kōm̧m̧ane n̄an jipan̄ jejtōr ro aō en̄jake bwe Ij juon m̧ōttaer eo ej iakwe im kea kōn er?
-
Ekōjkan Aō maron̄ erom em̧m̧anļo̧k ilo mije im kea kōn ro jet?