Mwet Fuhsr
Kolyuck Sin sie Mwet Pahluh Moul
Ke nga matwac yac 16 ah, nga eis pacl wo luhk in wi toeni luhlahp ke pacl se emet luhk. Sucu luhk ah muhta western Oregon, USA, ac kuht kahsruhsr nuh Utah in wi toeni ac in us tamuhlwel mahtuh se wiyuck nuh ke yen in ahkpah luhn misineri ac.
Nga som nuh ke toeni sac ke kena yohk in lutiyuck sin Nguhn Muhtahl. Sahflahiyac ah, nga eis sie kahlwem sin Nguhn ma nga kuh in tiac eis nga fin tiac ahkoeyuclac sifacna.
Ke sie toeni ac, mwet nuh kwewa tuyak ac yuck on alu soko, “Guide Us, O Thou Great Jehovah.” Ke kuht on ah, puhla se sunyuc in ngwetngwet liye Lohm in Toeni Luhlahp sac. Nga puhla nguhnnguhn ke insese luhn mwet tausin we ah ke kuht nuh kwewa lihksreni on kaksyakihn God.
Na nga puhlakihn ke nga puhla oacna Nephi ke el liye aruhrruhma se ke sahk luhn moul, ke Nguhn sac fahk nuh sihk, “Ngwetma” (liye 1 Nephi 11–14). Nga ngwetwacng nuh sel Prestuhn Thomas S. Monson ac puhla lah insese luhn Alu uh oasr ke srihpen kuht kolyuck sin mwet pahluh moul se. Ke mwe loh luhn Nguhn Muhtahl, nga etuh lah Prestuhn Monson pa mwet pahluh pwacye ke pacl lasr uh, ac nga etuh lah Jisus Kraist El kol Alu se inge kacl.