Parau Poro‘i na te mau Tuahine Hahaere Tiunu 2012
Hahaereraa a te mau tuahine—hoê titauraa mo‘a
A tai‘o i teie haapiiraa na roto i te pure, e mai te mea e tano, a aparau i te reira i te mau tuahine o ta outou e hahaere ra. A faaohipa i te mau uiraa no te tauturu ia outou ia haapuai i te mau tuahine e ia faariro i te Sotaiete Tauturu ei tuhaa itoito no to outou iho oraraa.
Te Faaroo, Te Utuafare, Te Totauturu
Ei tuahine hahaere, e misioni pae varua faufaa roa ta tatou e faaoti. « Eita ta te episekopo tei faatoro‘ahia ei tia‘i mamoe no te paroita, e nehenehe e tia‘i i te taatoaraa o te mau mamoe a te Fatu i te taime hoê. Na te mau tuahine hahaere e tauturu ia’na ».1 Te imiraa e te fariiraa i te heheuraa ei feia tei titauhia ia hi‘o i te mau tuahine tata‘itahi e mea faufaa roa.
E haamata te faaûruraa ei mau melo no te peresideniraa o te Sotaiete Tauturu na roto i te pure o te tau‘araa parau i te mau hinaaro o te mau taata e te mau utuafare. I muri iho, na roto i te parau faati‘a a te episekopo, e horo‘a te peresideniraa o te Sotaiete Tauturu i te titauraa mai te huru ra e ia tauturuhia te mau tuahine ia taa e ua riro te hahaereraa a te mau tuahine ei hoê hopoi‘a pae varua faufaa roa.2
E haapii mai te mau tuahine hahaere ma te hinaaro mau ia matau maitai e ia here i te tuahine tata‘itahi, ia tauturu ia’na ia haapuai i to’na faaroo, e ia tavini mai te mea e hinaarohia. E imi ratou i te faaûruraa o te taata iho no te ite e nahea i te pahono i te mau hinaaro pae varua e te pae tino o te tuahine tata‘itahi o ta ratou e hahaere atu.3
« E riro te hahaereraa a te mau tuahine ei ohipa na te Fatu ia faatumu ana‘e tatou i ni‘a i te mau taata eiaha râ i ni‘a i te rahiraa i ni‘a i te hanere. Te parau tano maori râ, aita to te hahaereraa a te mau tuahine e hopearaa. E au te reira mai te hoê huru oraraa eiaha râ, ei hoê ohipa ».4
No roto mai i te mau Papa‘iraa mo‘a
No roto mai i to tatou aamu
Ua haapii te Tuahine Eliza R. Snow, te piti o te peresideni rahi o te Sotaiete Tauturu: « Te hi‘o nei au i te toro‘a o te hoê haapii ei toro‘a teitei e te mo‘a ». Ua a‘o oia i te mau tuahine hahaere « ia î outou i te Varua o te Atua, no te paari, no te haehaa, no te here » hou ratou a hahaere atu ai i te mau utuafare ia nehenehe ia ratou ia haapapû e ia pahono i te mau hinaaro pae varua e te pae tino. Ua parau oia e, « e hinaaro paha outou e parau i te mau parau no te hau e no te tamahanahanaraa, e mai te mea e ite outou i te hoê tuahine huru to‘eto‘e rii, a rave mai ia’na i roto i to outou mafatu mai ta outou e na reira i te hoê tamariirii i ni‘a i to outou ouma e a tamahanahana atu [ia’na] ».5
A haere ai tatou i mua ma te faaroo mai ta te mau tuahine o te Sotaiete Tauturu matamua i rave, e parahi mai te Varua Maitai ia tatou ra e ia faaûruhia no te ite e nahea ia tauturu i te mau tuahine tata‘itahi o ta tatou e hahaere ra. « Ia imi [tatou] i te paari eiaha râ te mana », te parau ïa a te tuahine Snow, « e noaa ïa ia [tatou] te taatoaraa o te mana ta [tatou] e faaohipa ma te paari ».6
© 2012 na Intellectual Reserve, Inc. Faturaa paruruhia. Nene‘ihia i te Mau Hau Amui no Marite. Parau faati‘a no te reo peretane: 6/11. Parau faati‘a no te iritiraa: 6/11. Iritiraa no Visiting Teaching Message, June 2012. Tahitian. 10366 895