Pratham Adhyakshta ka Sandesh, July 2012
Hamesha Beech Mein
Bahut saare duniya ke calendaron ke anusaar, July saal ke beech ka maap hota hai. Jabki har cheez ka shuruaat aur ant ko manaya aur yaad kiya jaata hai, har cheez ke beech ko nazarandaaz kiya jaata hai.
Shuruaat lakshye banane, yojna rachne, furtile pan ko mehsoos karne ka samay hota hai. Ant samaapt karne aur khatm hone aur kuch khone ke ehsaas ka samay hota hai. Magar sahi anudrishye dwara, apne aap ko har cheez ke beech mein samjhne se na sirf hum jiwan ko aur behtar samajh paaenge par use hum aur arthpurn tarike se jiyenge.
Prachaar Kaarye ka Beech ka Bhaag
Jab main hamare jawaan prachaarakon se baat karta hoon, main aksar unse kehta hoon woh apne prachaar kaarye ke beech mein hai. Chaahe woh ek din pehle aaye hai ya agle hi din ghar jaana ho, main unhe yeh sochne ke liye kehta hoon ki woh apne aap ko hamesha beech mein samjhe.
Naye prachaarak shaayad sochenge ki unhe paryaapt anubhav nahin hai prabhaaokaari hone ke liye, aur isliye woh nishchay aur nidarta se bolne ya kuch karne ko taalte hai. Anubhavi prachaarak jo apne prachaar kaarye ko samaapt karne waale hai shaayad mehsoos karenge ki unke prachaar kaarye ki awadhi khatm hone waali hai, ya woh aur dhire kaam karenge sochte hue ki woh prachaar kaarye ke baad kya kya karenge.
Chahe jo bhi paristhitiyaan ho aur chahe jahan bhi woh sewa pradaan karein, sachchaai yeh hai ki Prabhu ke prachaarak har din achche kaaryon ke anginit beej bote hai. Khud ko hamesha apne prachaar kaarye ke beech mein samajh kar Prabhu ke yeh vishwaasi pratinidhi nidar aur furtile honge. Jaisa pure-samay ke prachaarakon ke liye hai, waisa hi hum sab ke liye bhi hai.
Hum Hamesha Beech Mein Rehte Hai
Anudrishye mein yeh badlaao dimaag ko chakma dene se kahin zyaada hai. Is vichaar ke piche ek sachchaai hai ki hum hamesha beech mein rahenge. Agar hum ek nakshe par apne sthaan ko dekhenge, hum kehne ke liye bahek jaaenge ki hum shuruaat mein hai. Magar agar hum achchi tarah dekhe, jahan kahi bhi hum hai woh ek bade jagah ka beech ka bhaag hai.
Jaise hawa ke saath, waisa samay ke saath bhi. Hum apne jiwan ke shuruaat ya ant mein hai mehsoos karenge, magar jab anantta ke nazariye se dekha jaaye—jab hum yaad karenge ki hamara aatma pehle se jiwit hai aur, Ishu Masih ke shudh balidaan aur Praeshchit ke kaaran, ki hamara aatma aane waale anantta tak jiwit rahega—hum jaanenge ki hum sach mein beech mein hai.
Haal hi mein main prerit hua apne maata-pita ke kabra ke patthar ko banane ke liye. Beette samay mein kabra kaafi badsurat ho gaya tha, aur mainne mehsoos kiya ki ek naya mukhye patthar achcha hoga unke uddharan bhare jiwan ke liye. Jab mainne uspar janam aur maran ke taareekh ko dekha ek dash se juda hua, yeh chota chinh jo ek pura jiwan tha achanak mere mann aur hriday ko bahut saare yaadon se bhar diya. Har ek bahumulye yaad mere maata-pita ke jiwan ka beech ka bhaag aur mere jiwan ke beech ka bhaag ka ek pal dikhata hai.
Chahe jo bhi hamari umra ho, ya sthaan, jab hamare jiwan mein kuch hota hai, hum hamesha beech mein hote hai. Aur kya hai, hum hamesha beech mein rahenge.
Beech mein Rehne ki Aasha
Haan, wahan shuruaat aur ant ke pal honge hamare jiwan ke daoraan, magar yeh sirf raasta dikhaenge hamare anant jiwan ke mahaan beech ka. Chahe hum shuruaat ya ant mein hai, chahe hum jawaan ya budhe hai, Prabhu hamein apne lakshye ke liye istemaal kar sakta hai agar hum un chintaaon ko bagal karenge jo hamare sewa karne ki chamta ko kam karta aur Unke ichcha se apna jiwan chalaaenge.
Kavi kehta hai, “Aaj woh din hai jo Prabhu ne banaya hai; hum(ein) is mein magan aur anandit hona hai” (Psalm 118:24). Amulek hamein yaad dilata hai ki “yeh maanav jiwan Parmeshwar se milne ki tayyaari karne ke liye hai, haan, is jiwan ke din logon ke liye parishram karne ke din hote hai” (Alma 34:32; zor diya gaya). Aur ek shayar kehta hai, “Hamesha—Vartamaan se banta hai.”1
Hamesha beech mein rehne ka matlab hai ki khel kabhi khatm nahin hoga, aasha kabhi khota nahin, haar ka kabhi ant nahin hota. Kyunki chahe jahaa bhi hum hai ya jo bhi hamari paristhitiyaan, shuruaat ki anantta aur ant ki anantta hamare saamne hai.
Hum hamesha beech mein rahenge.
© 2012 Intellectual Reserve, Inc dwara. Pure adhikaar surakshit. USA mein chaapa gaya. Angrezi swikriti: 6/11. Anuwaad swikriti: 6/11. First Presidency Message, July 2012 ka anuwaad. Fiji Hindi. 10367 298
Is Sandesh ko Sikhlana
Parivaar ko batlaaye ki kaise woh “hamesha beech mein rehte hai,” bhale hi woh kisi kaarye ke shuruaat ya ant mein hai. Unhein protsaahan dein sabse behtar karne ke liye unke vartamaan ke gatividhiyon mein, pichle ya agle gatividhi ya kaarye ka intazaar na karein. Tum sujhaao dena chahoge ki woh ek parivaar ki tarah ek kaarye ko chunne ke liye aur ek taarikh nirdharit karein jab tak woh apne lakshye ko paane ki aasha karte hai.