Mga Pinanudlo para sa Aton Panahon

Ang mga leksyon sa Melchizedek Priesthood kag Relief Society sa ikaapat nga Domingo magasentro sa “Mga Pinanudlo para sa Aton Panahon.” Ang tagsa ka leksyon mahimo kuhaon gikan sa isa ukon madamo pa nga mga pamulong-pulong sa pinakaulihi nga pangkabilugan nga komperensya (tan-awa ang chart sa idalom). Ang mga stake kag district presidents mahimo magpili kon ano nga mga pamulong-pulong ang pagagamiton, ukon puede nila ihatag ining responsibilidad sa mga bishop kag mga branch presidents. Ang mga lider dapat magtudlo sang importansya sang mga kauturan sa Melchizedek Priesthood kag sa Relief Society nga magtuon sang pareho nga mga pamulong-pulong sa pareho nga mga Domingo.

Ang mga nagatambong sang mga leksyson sa ikaapat-nga-Domingo ginapangabay sa pagtuon kag sa pagdala sa klase sang pinakaulihi nga isyu sang magasin sang pangkabilugan nga komperensya.

Mga Panugyan sa Paghanda sang Leksyon gikan sa mga Pamulong-pulong

Magpangamuyo nga ang Balaan nga Espiritu mangin yara sa inyo samtang nagatuon kag nagatudlo kamo sang (mga) pamulong-pulong. Mahimo nga matentar kamo sa paghanda sang leksyon nga gamit ang iban pa nga mga materyales, pero ang pang-komperensya nga mga pamulong-pulong amo ang aprobado nga kurikulum.Ang inyo buluhaton amo ang pagbulig sa iban sa pagtuon kag pagpangabuhi sang ebanghelyo suno sa gintudlo sa pinakaulihi nga pangkabilugan nga komperensya sang Simbahan.

Repasuha ang (mga) pamulong-pulong, nga ginapangita ang mga prinsipyo kag mga doktrina nga nagasabat sang mga panginahanglan sang mga katapo sang klase. Magpangita man sang mga sugilanon, palasandigan sa balaan nga mga kasulatan, kag mga pahayag gikan sa (mga) pamulong-pulong nga magabulig sa inyo sa pagtudlo sining mga kamatuoran.

Maghimo sang balayan ukon plano kon paano itudlo ang mga prinsipyo kag mga doktrina. Binagbinaga ang paglakip sang mga pamangkot nga magabulig sa mga miyembro sang klase:

• Pangitaa ang mga prinsipyo kag mga doktrina sa (mga) pamulong-pulong.

• Panumduma ang ila kahulugan.

• Magpaambit sang paghangop, mga ideya, mga inagihan, kag mga panaksihon.

• Idapat ining mga prinsipyo kag mga doktrina sa ila mga kabuhi.

Mga Bulan nga Ginatudlo ang mga Leksyon	Mga Materyales para sa Leksyon sa Ikaapat-nga-Domingo
Oktubre 2012–Abril 2013	Mga pamulong-pulong nga ginhatag sa Oktubre 2012 nga pangkabilugan nga komperensya*
Abril 2013–Oktubre 2013	Mga pamulong-pulong nga ginhatag sa Abril 2013 nga pangkabilugan nga komperensya*

• Para sa Abril kag Oktubre nga mga leksyon sa ikaapat-nga-Domingo, ang (mga) pamulong-pulong mahimo nga pilion gikan sa nagligad nga komperensya ukon gikan sa pinakaulihi (nga komperensya). Ang mga pamulong-pulong sarang mabasa sa madamo nga mga lengguahe sa conference.lds.org.