Pratham Adhyakshta ka Sandesh, December 2012
Bada Din ki Bhaona ko Jaagrit Karna
Saalon pehle jab main ek yuva elda tha, mujhe anye logon ke saath Salt Lake Shahar bulaya gaya beemaar bachchon ko ashirvaad dene ke liye. Andar prawesh karte hi, hamein ek Krismas ka ped dikha uske ujwal aur badhiya jyoti ke saath aur humne achchi tarah lapete hue uphaar dekhe uske lambe daaliyo ke niche rakhe hue. Uske baad hum baraamde se guzre jahan chote ladke aur ladkiyaan the—jinke haath ya paer mein plaastar laga tha, anye the jinki beemaari ka ilaaj asaani se nahin ho paa raha tha—ne hamein muskurate hue swaagat kiya.
Ek yuva, sakht beemaar chota sa ladka ne mujhko pukaara, “Aapka naam kya hai?”
Mainne use apna naam batlaya, aur usne pucha, “Kya aap mujhe ek ashirvaad doge?”
Ashirvaad diya gaya, aur jab hum usse dur jaane lage, usne kaha, “Bahut bahut dhanyevaad aapka.”
Hum kuch hi kadam chale the, aur mainne use phir pukaarte hue suna, “Are Haa, Bhaai Monson, aapko Bada Din ki shubkaamnaae.” Tab ek badhiya muskaan uske chehre par aaya.
Us ladke mein Bada Din ki bhaona thi. Main aasha karta hoon ki Bada Din ki bhaona hum sab ke dilon aur jiwanon mein rahe—sirf is samay nahin balki pure varsh bhar.
Jab hamare andar Bada Din ki bhaona hoti hai, hum Unhe yaad karte hai jinka janam varsh ke is samay mein hua tha: “Ki aaj David ke nagar mein tumhare liye ek Uddhaarkarta janma hai, aur yeh hi Masih Prabhu hai” (Luke 2:11).
Hamare samay mein uphaar dene ki bhaona ki bhumika badi hoti hai Bada Din ke samay mein. Main sochta hoon ki kya hamein faeda hoga khud se yeh puchkar, Prabhu kya chahega ki main kaun se uphaar Unhe ya auron ko doon varsh ke is bahumulye samay par?
Main ek sujhaao doon ki hamare Swarg ke Pita chahate hai ki hum Unhe aur Unke Putra ko aagyakarita ka uphaar dein. Main yeh bhi mehsoos karta hoon ki Woh hamein apne aap ko dene ko kahe aur swaarthi ya laalchi ya jhagdalu na bane, jaisa Unka bahumulye Putra Mormon Dharamshaastra mein sujhaao deta hai: “
Kyunki main tumse sach-sach kehta hoon ki jo koi vaadvivaad ki bhaona rakhta hai woh mera nahin, parantu us shaetaan ka hai jo…logon ke hridayon ko ek dusre se ladne ke liye bhadkaata hai.
Suno, logon ke hridayon ko ek dusre ke virudh krodhit karna yeh mera siddhaant nahin hai, mera siddhaant hai aysi baaton ko door karna” (3 Nephi 11:29–30).
Is samay ki purnata ke badhiya samay mein, apne aapko dene ke hamare mauke vaastav mein aseemit hain, par woh mauke wahan hamesha nahin rahenge. Aaj yahan prasann karne ke liye hriday hain, dayalu shabd hai kehne ke liye, kaarye hai karne ko, aur aatmaaen hai bachane ke liye.
Ek vyakti jiski Bada Din ki bhaona mazboot thi ne likha:
Main Bada Din ka Bhaona Hoon—
Main gareeb ke ghar mein pravesh karta hoon, jahan udaas bachche prasann hokar apne aankh bade aakaar mein kholte hai.
Main lobhi ke band haatho ko khulwata hoon aur isi se uske aatma mein rangeeniya aati hai.
Main budhe mein yuvapan laata hoon aur unhe jawani ke dinon jaise hasata hoon.
Main bachpan ke hriday mein prem jiwit rakhta hoon, aur neend ujwal karta hoon achche sapno se.
Main utsuk paeron ko sahara deta hoon zaroorat ke samay, jisse hriday ashcharyechakit reh jaate hai duniya ki achchaai dekhkar.
Main fizool kharch karne waale ko ek chan ke liye rok leta hoon uske jangli, kharchile kaaryon mein aur utsuk priyejanon ko kuch aysa bhejta hoon jisse khushi ke aansoo nikalte hai aur dukh ke kathor nishaan mitte hai.
Main andhere jel khaano mein jaata hoon, dhabbe lage pursho ko yaad dilata hoon achche dinon ki aur aage aane waale achche dinon ki.
Main aahista se aata hoon shaant, safed dard bhare ghar mein, aur jahan hot kamzori mein sirf dhimi rup se kaapkar, abhaar prakat karte hai.
Hazaar tariko se, main thakaan bhari duniya ko upar Parmeshwar ke chehre ko dikhata hoon, aur kuch der ke liye woh aysi baate bhool jaate hai jo chote aur kharaab hai.
Main Bada Din ka Bhaona hoon.1
Hum sab Bada Din ke bhaona ko naye sire se jaagrit karein—Masih ke bhaona bhi.
© 2012 Intellectual Reserve, Inc dwara. Pure adhikaar surakshit. USA mein chaapa gaya. Angrezi swikriti: 6/11. Anuwaad swikriti: 6/11. First Presidency Message, December 2012 ka anuwaad. Fiji Hindi. 10372 298
Is Sandesh Mein se Shikshan
Jab tum Pradhaan Monson ke sandesh ko us parivaar ke saath baanto, woh sawaal par gaur karein jo usne pucha tha ki Prabhu kya chahata hai ki kaun se uphaar hum Unhe ya auron ko dein is avsar par. Parivaar ko protsaahit karein apne vichaar aur tippaniyaan likhne ke liye (ya, chote bachchon ko, chitra banane ko kahe) ki kaise “Bada Din ki bhaona ko jaagrit karein—Masih ki Bhaona bhi.”