2012
Padahk en Pas, Doadoahk Ehu en Komour
December 2012

Iren Mahsen en Padahk en Pas, Tihsempe 2012

Padahk en Pas, Doadoahk Ehu en Komour

Onopiki ni kapakap iren mahsen wet oh, ni eh pahn konehng, koasoaiahkihieng lih akan me komw kin pwarek. Doadoahngki peidek kan pwehn seweseikomwi kakehlailih riomw lih akan oh pwehn elehieng Pwihn en Sawas en Lih en wiahla pali kesempwal en pein ahmw mour.

Kilel en Pwihn en Sawas en Lih

Pwoson, Peneinei, Sawas

Padahk en pas kin kihieng lih akan ansou mwahu en sile, kakehlailih, oh padahkih emenemen—e wia mehlel doadoahk ehu en komour. Sang ni padahk en pas, lih pirien kan kin wia weliepen Sounkomouro oh apwalih oh kaunop lih akan ong kapai kan en mour soutuk.

Kitail ahniki pwukoa en doarehla, kawehwe, peki ni ngidingid, oh padahkih, oh luke [mehteikan] en kohdo rehn Krais (tehk D&C 20:59), iei duwen me Kauno mahsanih nan sapwellime kaudiahl kan iei duwen me President Spencer W. Kimball padahngki (1895–1985). E doula, patohwan, “Omw kadehde wia dipwisou kaselel.”1

Ni ansou me kitail sounpadahk en pas kan kin kalaudehla atail wehwehpen me mehlel kan en rongamwahuo, atail kadehde kan kin kakehlailih oh utungada lih akan me kin kaukaunop en pepdaisla oh kasarawihla. Kitail kin sewese towe kapw kan en tengedi nan rongamwahuo. Atail pas kan oh limpoak kin sewese “doarehla irail kan me salongala [oh] kakarakarehda mohngiong kan en irail me kin lemwlemwurla nan rongamwahu.”2 Oh se kangoange lih pirien kan en patohdo rehn Krais sang ni arail towehda tehnpas sarawi.

“Kumwail pahn doarehla mour kan,” President Kimball patohwen ong sounpadahk en pas kan, “oh ihs me kak ese ahpw mwein pali laud en aramas mwahu kan nan Mwomwohdiso kin kalap sarawi rahn wet pwehki kumwail lel-la nan imwarail kan oh kihieng irail koapwoaroapwoar, ehu madamadau kapw. Kumwail ritingada kahdeng kan. Kumwail katehlapahla arail madamadau kan. …

“Kumwail kilang, pwe kaidehnte lih akan me kumwail doarehla, ahpw mweinte pil arail pwoud kan oh arail kouson kan.”3

Sang Pwuhk Sarawi Kan

Tehk Doctrine and Covenants 20:59; 84:106; 138:56

Sang Atail Poadoapoad

Ansou me Soukohp Joseph Smith kauwada Pwihn en Sawas en Lih, e patohwan me kaidehn lih akan en apwalihte me paisuwed ahpw ren pil doarehla mour kan. E pil padahngki me lih akan en Mwomwohdiso kin apwalih pwukoa kesempwal kei nan spawellimen Sahm Nanleng pilahn en komour.4 Ideidawehn padahk kan en Soukohp Joseph Smith, kitail ni duwen lih pirien kan nan Pwihn en Sawas en Lih kak sawaspene pwehn kaunop lih akan oh arail peneinei ong kapai lap akan en Koht.

“Kitail en ahniki limpoak ong emenemen,” President Brigham Young patohwan (1801–77), “oh mweidehng [irail akan] me kehlail en apwaliada me luwet akan ren kehlailda, oh mweidehng irail akan me kilang en kaweid me masukun kan lao re kak pein kilang ahlo.”5

© 2012 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/11. Kamanaman ong kawehwe: 6/11. Kawehwehpen Visiting Teaching Message, December 2012. Pohnpeian. 10372 885

Iren Sawas Akan

  1. Spencer W. Kimball, nan Daughters in My Kingdom: The History and Work of Relief Society (2011), 116.

  2. Eliza R. Snow, nan Daughters in My Kingdom, 83.

  3. Spencer W. Kimball, nan Daughters in My Kingdom, 117.

  4. Tehk Joseph Smith, nan Daughters in My Kingdom, 171–72.

  5. Brigham Young, nan Daughters in My Kingdom, 107.

Dahme I Kak Wia?

  1. Ia duwen Pwihn en Sawas en Lih eh kin kaunopie ong kapai kan en mour soutuk?

  2. Dah me I kak wia pwehn kalaudehla pwoson en irail akan me I kin sinsile?