Ngeasek
Orrenges er a Odubech
A ta er a kesus e a kekerei el ngeasek el chedak a chiliis er a blil, me a kulerreched el mo osiik er ngii. Mese er a kumekall, e ak milluluuch me a Chedaol Reng bo el ngesukak. Ak mle medengei el kmo a Dios a mo onger e omekrael er ngak, me ak mle melasem lorrenges er a odbechel a Chedaol Reng. Eng di sera le dimlak el sebechek el rongesii a ngii di el ngerang, e ak mlo suebek a renguk e ulemelchesuar el Chedaol Reng a dimlak odbechel mei er ngak.
Meng mle soak el er mo cheroid e osiik, eng di kulmelchesiu el kirek el dingara maori er a blil ngika el chedak. Me ak mle tibir el lemuut lomekall el liueklii tia el basio. Me sera bo kstob er a rael, e ak milsa a teletelel a kekere el redil el merael. Ak miltik er ngika el chedak!
Ak tilobed er a mlai e rirurt el mo er ngii, ak mlo medengei el kmo a Chedaol Reng a ulemekrael er ngak meng ngilsukak el mo omelchesiu el kirek el di ngar tia el osisiu el basio. E le uchul ak mle orenges el kirel a kekerei el ngor, eng kileed ak choitii odbechel Chedaol Reng. Ak mlo medengei el kmo ng betok el taem eng diak derengesii a ngor, eng di kede mo omelchesuar a tekoi el ngara chelsel a rengud.
Ak meral mlo mui er a saul el kirel a ulekrael er a Chedaol Reng. Ngii a mera el blechoel el di ngarngii! A chedaol llechukl a ouchais er kid el Chedaol Reng a mo blechoel el kldemed (mesaD&C 121:46).
Alsekum me kede klikiid el oba omekrael er a Chedaol Reng e mo omtab, eng sebeched el mo dongu er a chimal a Dios el mo meruul a ungil el mora rebetok el chad. Meng ngoeak a Chedaol Reng el blechoel lobengked, eng sebeched el medengelii a de borngii.