Klumech er a Oldingel e Olisechakl, Kot el Buil 2013

Ureor er a Misionari

Mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar er kau. A lmuut el bebil er a omesodel, e bo er a reliefsociety.lds.org.

Klaumerang, Telungalek, Ngeso

A Uriul-klebesei el Santo a mo tuobed lokiu a temel a Rubak el mo oureor er a sersel el kirel osebelir a rechad (mesa D&C 138:56). Ng diak dousbech a okedong el mlara roungerachel el mo omerk er a ebangkelio. A rebebil a mo mukngeltengat er a ebangkelio el ngii a iliuekl er kid, me sel debo de kldmokl, ea Rubak a mo ousbech er kid. Ngkel oldingel e olsisechakl a sebechel mui el nguu a chedaol ngerchelir el mo olngeseu me bol sebechel a chad el diak el mad me a chad el mo nguu a diak a ulebengelel klengar (mesa Moses 1:39).

Sera longederoder er a Relief Society a Profet Joseph Smith er a 1842, eng dilu el kmo a redil a diak el di lomes er a remechebuul te dirrek el mo olsobel a klengar.¹ Tia a dirk moktek er kid.

“A Rubak … a meskii a klaumerang er a klemerang er tirkel tir a mo omerk er ngii el mora rebebil,” ng millekoi a President Dieter F. Uchtdorf, el Second Counselor er a First Presidency. “A Rubak a mengerchir er a rechedal a Ikelesia er Ngii el mo omok a ngerir er a bek el taem e omerk er a ebangkelio er Ngii le bebil er a taem ea kmal di imo el tekingel a klaumerang a sebechel kudmeklii e mo ngodechii a klengar er a tang el mo cherchar.”²

Ngara Chedaol llechukl

Mesa Doctrine and Covenants 1:20–23; 18:15; 123:12

Ngar er a Reksi er Kid

A cheldechedechal a Olga Kovářová er a mle Czechoslovakia a okesiu er a chedal a ikelesia er a urerel a misionari el ngara reksi er a Relief Society. Sera 1970, ea Olga a mla er a omesubel a kltoktang e mle imis el soal a dmolech el chedaol klengar. Ng miltebengar a 75 a rekil el Otakar Vojkůvka, el ngii a Uriul-klebesei el Santo. “A kulemes er ngii el okai me a eim a rekil eng di a rengul a mle kmeed er a teruich me a eai e mui er a deureng,” ng millekoi. “Tia dimlak el sal meues er a Czechoslovakia er a taem er a uldikel.”

A Olga a uleker er a Otakar me a telungalek er ngii el kmo te mekerang e metik a deureng. Te mle ochotii ngii el dil el mo er a rebebil er a rechedal a Ikelesia e milsang a Babier er a Mormon. Ng chiliuii el mle mui er a klemeriar reng e di mle mereched eng mlo metecholb e moterkokl. Seikid el taem el mei ea Olga a mla klisichel a klungiaol er a beluu el mesisiich a klisichel a kabelment me a ongarm el mo er a klechelid. Ng mle mesiou el merredel er a Relief Society er a kekerei el branch e ulengeseu lolsobel a klengar er a rebebil er a rechad e ulebeteterir el mora Kristo.³

Ngera Sebechek el Rulii?

Ngak a kultirakl er a odbechel Chedaol Reng sel kulecholt er a klaumera er ngak lobengterir a rodos el kuldingel er tir?
Ak mekera kulngeseu er a kumes er tir el odos el mo mesuub er a ebangkelio?

© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/12. Kengei er a oidel: 6/12. Oidel a Visiting Teaching Message, January 2013. Palauan. 10661 881