Mwet Fuhsr
Akacsruhi yurin sie Kawuck
Sie lwen ah ke nga lutlut nuh ke sie kuhlahs luhn seminary, oasr sie puhla na kahto ac siena luhk. Ke nga ritwelah lesin sac nuh ke lwen tok ah, nga liyacack muhtuhn sie kawuck ke lutlut ah ac eis puhla na fokoko se lah nga enenuh in akacsruhi ke fahkwack luhlahlfongi luhk nuh sel.
Fihsrwacsr in liye mokleyuck inge tuhsruhk, nga sahngweng. Nga elyah lah kawuck luhk ah ac sruhngwacyuc, yohkna ke srihpen el tiacna atacn kain in tuhlihk muhtwacn se ma ac luhngse in welah Alu uh.
Nga esamwack sie sramsram sel Tahmtahel Mary N. Cook ke prestuhnsi luhlahp luhn Muhtwacn Fuhsr ma el srihke kuht in orekma upac ac oruh in suwohs uh.1 Nga ke oruh oacna inge, oruh nga suhmuhslah lwacta se nuh sin tuhlihk muhtwacn se inge ac fahkwack ke ma pwacye luhn Alu uh ac ke luhngse luhk nuh ke Puk luhn Mormon. Lwen tok ah nga pahtokwacng sie kapi ke Puk luhn Mormon, wi lwacta se luhk ah, nuh lun pack lal ah.
Ke lut luhk, kawuck se luhk ah arulacna etuh ke wosasuc uh. Muhtwacwacack ke lwen sac, el ac fahk nuh sihk ke ma el lotwelah ke lutlut lal ke Puk luhn Mormon ah. Wik ekahsr tohkoh, nga ahkuhtwelyac nuh sin misineri ac. Apkuhran in sana, el eis sie ahkkweyeyuck sin Nguhn Muhtahl lah ma el lutlut kac ah pwacye. Nga ac misineri ac tuhngyak ke el fahk nuh sesr ke puhla lal an. Kawuck se luhk ah pacptaislac pacl na sa, ac pahpah ninac kiyacl ah lut in liye eklac ma sikyak kacl an.
Nga arlac engan lah nga kuh in kuhtanglah sahngweng luhk uh ac kahsruh sang wosasuc nuh ke moul lal.