Serafo
Kose Mochen Kopwe Echikarata Netipei
Won ewe ranin achechemenien manon mongiei we, ua ekieki usun manauei seni fansoun an mano. Use chok chechemeni ennetin ewe metek ua mefi nge pwan ekkewe feioch Kot a ngeniei.
Use weweiti ifa usun aramas ra tongeni apasa pwe manon emon ra tongei a tongeni efisiata feioch. Use tongeni weweiti ifa usun ua tongeni mefi pwapwa me kinisou ren eu mettoch mi fakkun metek chapur. Iwe nge, mi wor eu pwin, amen siwini ai ekiek.
Ua pwata nukenipwin ren choun netipei mi fakkun napanap. Ewe metek a fakkun weires fan itei. Ua fotopukutiw me ua kechiweta eu iotek ngeni Semei won Nang. Unusen manauei ua kaeo usun ewe Achasefan me an Jises Kraist we manamanen chikar. Iei ai nuku mi sossot. Ua ennetin nuku? Ua tingorei Semei won Nang an epwe echikarata netipei. Ewe metek mi fakkun napanap ai upwe mefi anaemon chok.
Mwirin ua mefi kinamwe, chacharin netip, me tong won unusen inisi. Ua mefi ita pwe Kot a turufiei ren poun kewe me a tumunuei seni ennetin ewe metek ua mefi. Ua chuen pwositi mongiei, nge ua tongeni kuna ren foun mas mi sokkono. Mi wor chommong ai upwe kaeo seni ei fansoun.
Ua sinei an ewe Samon tong me kinamwe mi nonnom fan itach. Mi namwot chok pwe sipwe etiwa.