2013
Apochokuna
March 2013

Poraus seni Fefin Chon Amwa, March 2013

Apochokuna

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni www.reliefsociety.lds.org.

Nuku, Famini, Aninis

Ach soufos, Preseten Thomas S. Monson, a pesei ngenikich ne “eitau ne amanaua ekkewe ir mi namwot ach aninis me ekieta ir ngeni ewe anenap me ewe napanapoch. … Iei angangen ewe Samon, me nupwen sia föri angangen ewe Samon, … sipwe angei aninis seni ewe Samon.”1

Chommong ier ra no LaVene Call me chienan we chon amwa ra churi emon fefin ese pochokun non fan. Ra fichifich won ewe asam me ra kuna emon in non ufan ufen tutu. A nikinikinin semwen, nge ra muttir kaeo pwe a osukosuken sakau. Ekkewe chon amwa ra motiw me poraus fengen ren ewe fefin.

Mwirin ra suno, ra apasa, “I emon noun Kot. Wisach pwe sipwe anisi i.” Iwe ra churui fan chommong. Iteitan fansoun, ra tongeni kuna me mefi pwe a ekkesiwin ngeni an epwe ochuno. Me ra tingorei ewe fefin ne fiti mwichen Fin Anisi. Ina mo ese kan mochen, a poputa ne fiti iteitan. Mwirin ekkis pesepes, ir me punuan we me nour we nengin ra fiti fan. Ewe mwan a mefi ewe Ngun mi Fel. A apasa, “Upwe fori met ewe pisop a apasa.” Iei ra pochokun non Fan me ra ririfengen non ewe tempel.2

Seni ekkewe Pukfel

3 Nifai 18:32; Doctrine and Covenants 84:106; 138:56

Seni Ach Uruo

Anisi ekkewe ir ra rikino me niwinsefan ngeni ewe kapas allimen Jises Kraist mi eu kinikinin ach sipwe Souneng me chon ewe mwichen Fin Anisi. Preseten Brigham Young (1801–77) a apasa, “Sipwe tong fengen nefinach, … me sipwe mut ngeni ekkewe ir ra tongeni kuna pwe repwe emweni ekkewe ir rese tongeni kuna tori fansoun ra tongeni pwisin kuna ewe an fan iter.”3

Eliza R. Snow, oruemonun presetenin unusan Fin Anisi, a kinisou ne esinna angangen ekkewe fefin non Ogden, Utah, USA, ne apochokunafengenir. “Ua sinei pwe mi fis chommong [angangen aninis] minne ese mo tori ekkewe puken [rekot],” a apasa. Nge esinnan pwe mi wor eu rekot won nang usun angangen ekkewe fefin nupwen ra achocho ne angang ngeni ekkewe ir minne netiper a apwangapwangeno, a apasa: “Preseten Joseph Smith a apasa pwe ei mwich mi for ne amanaua ngunun aramas. … Pwan eu puk mi mak ren om nuku, kirokiroch, angangoch, me kapas. … Ese wor och mettoch mi poutuno.”4

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/12. Kapungunon chiakun: 6/12. Chiakun Visiting Teaching Message, March 2013. Chuukese. 10663 901

Esinesin

  1. Thomas S. Monson, “The Sacred Call of Service,” Liahona, May 2005, 55, 56.

  2. Taropwe ngeni ewe presetensin Fin Anisi unusan seni noun LaVene Call we nengin.

  3. Brigham Young, non Daughters in My Kingdom: The History and Work of Relief Society (2011), 107.

  4. Eliza R. Snow, non Daughters in My Kingdom, 83.

Met Ua Tongeni Fori?

  1. Ngang ua pochokun non ekieki ne tingorei emon fefin a apwangapwang ne fitiei non eu mwichen Fin Anisi?

  2. Ekkewe fefin ua mammasa ra mefi kinamwe ne kapas eis ngeniei usun ewe kapas allim?