2013
Nnam enyene uwem
March 2013

Etop eke Visiting Teaching, eke Ofiong ita isua 2013

Nnam enyene uwem

Bong akam kpeb nkpo emi ndien, nte odotde, nneme emi ye mme ndito eka iban emi mbufo ekesede mmo. Da mme mbume ndinwam fi osongo mme ndito eka iban mbufo idem nnyung nam mboho Nka Iban enyene eti idaha ke uwem mbufo. Ke oyomde ndifiok awak, ka ke reliefsociety.lds.org.

Mbuotidem, Ufok Idung, Unwam

Prophet nnyin, President Thomas S. Monson, asian nnyin ete yak “inyan ubok inwam mbio emi eyomde unwam nnyin inyung imenere mmo ke enyong isin ke eti usung. … Emi edi utom Abasi, ndien kini nnyin inamde utom ino Abasi,… nnyin imenyene unen ndibo unwam nto Abasi.”1

Ediwak mme isua ekebede LaVene Call ye owo nsanga visiting teaching esie ema ekese eyen eka anwan kiet emi ama akafiak edem. Mmo ema ekong usung ufok enyung ekut nsek eka eyen kiet ke ebiet uyere mmong.. Enye etie nte ododongo, edi mmo esop edifiok ete ke mfina esie ekedi ukpa mmin. Mme visiting teacher emi ema esuk etie enyung eneme nneme ye oyom unwam nsek eka eyen emi.

Nte mmo enyongde, mmo ekedoho ete, “Enye edi eyen Abasi. Nnyin imenyene ubiong utom ndinwam enye.” Ntre esiwak ndikise enye ndien-ndien. Kpukpru ini nte mmo ekade ekese enye, mmo esikut enyung ekere ete ke enye ke akakabare edi eti owo. Mmo ema ekoot eyen eka nnwan emi ete edi Esop Iban. Okposuk edi ye mmenge, ke akpatre enye ama esika Esop Iban ofuri ini. Ke ema ekeno nsongidem ekure, enye ye ebe esie ye eyen anwan esie ema edi Ufok Abasi. Ebe esie edinyene nduari eke Edisana Spirit. Enye okodoho ete, “Ami nyenam item emi bishop odohode ete nnam.” Idahaemi mmo esongo idem edi Ufok Abasi ndien ema ekedian ndo mmo ke temple.2

Emi oto ke mme Nwed Abasi

3 Nephi Ita 18:32 ; Doctrine ye Covenants 84:106; 138:56

Emi oto Mbuk Eset Nnyin

Ndinwam mbio emi ema ekoworo ekpong usung efiak edibuana ke gospel Jesus Christ ke ofuri idaha edi utom nte mbufo edi Edisana Owo ke Ukpere Edem Ini ye mbio Nka Esop Iban Ufok Abasi. President Brigham Young (1801 – 77) okodoho ete, “Yak nnyin inyene esit mbom ino kiet eken,… ndien yak mbio emi enyenede enyen eda mme nnan usung tutu mmo edikut usung eno idem mmo.”3

Eliza R. Snow, Ada Ibuot Ofuri Nka Esop Iban oyoho iba, ye inemesit ama okom mme ndito iban eke Ogden, Utah, USA, ke mme ukeme mmo ke ndisongo kiet eken idem. “Ami mmetim nnyene ifiok nte ke mbufo emeno ediwak eno [ke idak utom unwam] eke mididukke mme nwed [ibat],” Enye okodoho oro. Edi efiok ete ke enim nwed ke heaven eno utom ndito eka iban nte mmo enyande ubok etuuk mme esit owo emi ema okoduo, enye okodoho oro: “President Joseph Smith okodoho ete ke ekesiak nka emi ndinyanga ukpong mme owo. … Enim nwed efen ebanga mbuotidem mbufo, etido mbufo, nti utom mbufo, ye mme iko eke mbufo etingde. … Nkpo ndomo kiet isopke.”4

© 2013 eketode Intellectual Reserve, Inc. Ekpeme kpukpru mme unen. Ekeming ke USA. Enyimme eming ke Iko Mbakara:6/12 Enyimme Ndikabare: 6/12 Ndikabare etop eke Visiting Teaching Message, March 2013. Efik 10663 553

Nkpri Nwed

  1. Thomas S. Monson, “Edisana Ikoot eke Utom Unwam,” Liahona, eke Ofiong Ition, isua 2005, 55, 56.

  2. Nwed emi eyen anwan eke LaVene Call ewetde ono Mme ada ibuot Ofuri Nka Iban Ufok Abasi.

  3. Brigham Young, ke Ndito Iban ke Obio Ubong Mi: Mbuk eset ye Utom Nka Iban Ufok Abasi (2011), 107.

  4. Eliza R. Snow, ke Ndito Iban ke Obio Ubong Mi, 83.

Nso Nkpo Ke Ami Mkpekeme Ndinam?

  1. Nte Ami ke mbuotidem mmekoot afiak edem eyen eka anwan nte edi esop Nka Iban Ufok Abasi ye ami?

  2. Nte mme ndito eka iban eke Ami nsede enyen ekop inemesit ndibup mi mme mbume kabanga iko Abasi?