2013
Menin jeram̧m̧an
O̧kwōj 2013

Naan in Katak an Kōra, O̧kwōj 2013

Menin jeram̧m̧an

Kanooj jar im ekkatak kein katakin in im, n̄e ekkar, ekōnono kake ippān sister ro kwoj loļo̧k. Kōjerbal kajjitōk ko n̄an jipan̄ eok kōkkajoorļo̧k kōrā ro jeim im jatim, im n̄an kōm̧m̧an bwe Doulul eo an Kōrā en m̧ōttan eo emourur an mour eo am̧ make. N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Jibadbad eo an menin jeram̧m̧an eo an Kabun̄ in rej n̄an jipan̄ membōr ro erom un̄n̄are peier make, n̄an kōjparok rijeram̧ōl im riaikuj, im n̄an leļo̧k jerbal in jipan̄. Menin jeramman ej ioļapļap n̄an jerbal eo an Doulul eo an Kōrā. Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, eaar katakin:

“[Irooj] jān jinoin iien kar kakke wāween ko n̄an rikaļoor ro An n̄an jipan̄. E ekar karuwaineneik ro Nejin n̄an kakwojarjar aer iien, aer ļōmņak, im er make n̄an kobaik E ilo jerbal n̄an ro jet. …

“Eaar karuwainene im kean̄ kōj n̄an bōk kūnaad ilo jerbal in An n̄an lelōn̄ tak ro rej pād ilo aikuj. Jej kōm̧m̧ane juon bujen n̄an kōm̧m̧an bwe ilo dān in peptaij ko im ilo tampeļ ko rekwojarjar an Anij. Jej kōkāāl bujen ilo Jabōt ko n̄e jej bōk m̧ōttan kwojkwoj eo.”1

Ium̧win tōl eo an bisop eo ak branch būreejtōn eo, ritōl ro ijo jokwe ie rej jipan̄ kōn menin jeram̧m̧an ilo jetōb im kanniōk. Iien ko rem̧m̧an n̄an jerbal emakijkij aer ijjjino ippān rūkaki in loļo̧k m̧ōko ro an kōrā me rej pukōt im̧we n̄an jeļā ewi wāween uwaake aikuj ko an kajjojo sister rej loļo̧k.

Jān Jeje ko Rekwojarjar

Luk 10:25–37; Jemes 1:27; Mosaia 4:26; 18:8–11; Doctrine and Covenants 104:18

Jān Bwebwenato eo Ad

Ilo Juun 9, 1842 rikanaan Joseph Smith eaar jitōn̄ sister ro ilo Doulul eo an Kōrā n̄an “kadeeor rijeram̧ōl ro” im jerbal n̄an lo̧mo̧o̧ren jetōb ko.”2 Menin kōttōpar kein rej ioļapļap wōt in Doulul eo an Kōrā im rej kwaļo̧k ilo m̧atto eo ad. “Yokwe ej jāmin jako” (1 Korint 13:8).

Būreejtōn eo kein kōļalem ad an Doulul eo an Kōrā, Emmeline B. Wells, im rikakpilōklōk ro an raar kwaļo̧k m̧atto in ilo 1913 āinwōt juon kakeememej an pedped ad kar: “Kōmij kean̄ kōn jibadbad eo ad n̄an … [dāpij] ilo dim n̄an katak ko reim̧we an Rikanaan Joseph Smith ke eaar kwaļo̧k karōk eo me kōrā ro raar n̄an kōtļo̧k kōn kūr ko an priesthood n̄an koba n̄an doulul ko rem̧m̧an n̄an jibadbad eo kōn kwaļo̧k n̄an rinan̄inmej, jipan̄ riaikuj, kaenōm̧m̧an rūtto ro, kōmeņeņ armej ro jab kea kōn er, im rie riatemjinemjen ro.”3

Rainin Doulul eo an Kōrā em̧ōj an tōpar aolepān laļ in āinwōt an sister ro kwaļo̧k iakwe, iakwe eo erreo an Kraist, n̄an ro riturier (lale Moronai 7:46–47).

© 2013 jen Intellectual Reserve, Inc. Aolep jim̧we ko rej pād ippān. Kar jeje ilo USA. Kōmālim ilo kajin English: 6/13. Kōmālim an ukook: 6/13. Ukook eo an Visiting Teaching Message, August 2013. Marshallese. 10668 874

Kakeememej ko

  1. Henry B. Eyring, “Iien ko rem̧m̧an n̄an Kōm̧m̧an Em̧m̧an.” Kweilo̧k eo Eļap imEnsign, Māe 2011, 22.

  2. Joseph Smith, ilo Daughters in My Kingdom: The History and Work of Relief Society (2011), 63.

  3. Daughters in My Kingdom, 63.

Ta Eo Imaron̄ Kōm̧m̧ane?

  1. Ekōjkan aō m̧aanjabpopo n̄an kōjparok eō make im n̄an baam̧le eo aō ilo jetōb im kanniōk?

  2. Ekōjkan aō ļoor waanjon̄ak eo an Rilo̧mo̧o̧r eo ilo aō jipan̄ tōpar aikuj ko an sister ro ij mije er?

Būriin