Mulwol ni Ngan Fil ni Ngan Nang, September 2013

Ayuwegem

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil. Ra tin ni ga ba adag ni ngam nang, man ko reliefsociety.lds.org.

Mich, Tabinaew, Ayuw

Puf-rogon i’ir e rayog, micheg, ma muruwel ningan mugu’ul ko tin ko ya’el ma tin ko fayleng ngodad ma ngak fapi tabinaew rodad.¹

Nap’an ngad filed ma ngongoliyed fapi likngin e puf-rogon ulane fapi tabinaew ma binaw rodad, bay e rogon ningad ayweged fapi gidii’ nibe gafgow ma ayuweg raed ningar manged e puf-rogon ningar athamgiliy nap’an e ngiyal’ ko togopluw.

Bay rogdad ma muruwel rodad ningad ngongoliyed e puf matawondad ningad manged e puf-rogon ko tin ya’el’ ma tin ko fayleng. Marunga’gen e puf-rogon ko tin ya’el ma t’uf rodad ngak e Chitamangdad nu Tharmiy, Elder Robert D. Hales ko fare Ulungi Ragag nge La’agruwi Apostle ke fil: “Ngad manged e thilyeg ma puf-rogon ko tin ya’al nap’an ngad paered ufithik e meybil ko fapi m’ag— rodad udakaen e ngongoliy fare sacrament ufithik e mat’aw, mat’aw ningan thapeg e temple recommend, ma maligach ningad pigpig gad ngak reb e gidii’.²

Elder Hales ke yoeg ningad manged puf-rogon ko tin ko fayleng, “arragon ningan athapeged e postsecondary education fa vocational training, mafil ningam muruwel, ma paer u rogon rayog rom. Udakaen ni ngan palog ko malfith man cha’riy e salpiy e chiney, ngad taermedliy ko e muruwel nib full-time ulane Galasia ko fapi duw ni bay yib. E fan ko la’agruw e tin ko fayleng ma puf-rogon ko tin ya’el ningad paered ngadakaen e gin nib tolang ningad chibiyed reb e gidii’ nib t’uf.”³

Keb ko pi Chep nib Thothup

Matthew 25:1–13; 1 Timothy 5:8; Alma 34:27–28; Doctrine and Covenants 44:6; 58:26–29; 88:118

Cheppin Rodad

Tomuren fapi Gidii’en Got ko Tin Tomur e Rran kar mukungaed ulan fare loway’ u Salt Lake, e ba wuru’ fare binaw nib desert, President Brigham Young ba’adag ningar fla’ab mar toeyed e tabinaew. Ba yip fan ni fapi Gidii’en Got thingari filed e salap nira bing wo’en ngoraed ningar manged puf-rogon ngoraed. Re muruwel ney, President Young ke pagaen’ ngak urngin e rayog roraed, salap roraed, michaen’raed, ma laniyaen’raed fapi ppin, ma ke gay fel laniyaen’raed u muruwel u fayleng roraed. Arragon e ba thil reb e muruwel ko fapi walagey nib ppin ko Relief Society daba’, fapi kenginn e dani thil:

Fil ningam adag a muruwel man chuwegey ko malmal.
Thapeg e ya’el ni ngan paer ni rayog ni ngam aywegem.
Thapeg e suwey ko gelngin e ya’el, downgin dani maar, mafil, muruwel, salpiy, gaan, ma reb e tin nib t’uf ko yafas.
Meybil nifan e mich ma gel bugwaen ningam gel ko pi sikeng.
Gelnog e gidii’ niba t’uf e ayuw rorad.⁴

© 2013 by Intellectual Reserve, Inc. Gubin mabay matwon. Kan yoloey u Merika. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko Visiting Teaching Message, September 2013. Yapese. 10669 905

Mange Rayog Nggu Rin?

Urrogon Gube ayuweg fapi walageg nib ppin ni Gube matangiy ningar piriyeged e fulweg ko tin nib t’uf ko fayleng ma ya’el roraed?
Gube gelnog e rayog rog ko tin ya’el udakaen e taermedliy ko sacrament ma maligach ko pigpig?