Teachings for Our Time
Katak ko an Priesthood eo an Melkisedek im Doulul eo an Kōrā ro ilo Jabōt emen naaj jen “Teaching for Our Time.” Kajjojo katak maron̄ in kar kōpooj jān juōn ak lōn̄ ļo̧k in kōnono ko letok ilo kar kweiļo̧k eo eļap (lale jaat in ilaļ). Stake im district būreejtōn ro remaron̄ kālet kōnono ta ko rej aikuj in kar kōjerbali, ak remaron̄ jitōn̄ eddo in n̄an bisop ro im branch būreejtōn ro. Ritōl ro reaikuj in kwaļo̧k aorōk eo an em̧m̧aan ro ilo Priesthood eo an Melkisedek im jejtōr ro ilo Doulul eo an Kōrā ro ekkatak ejja kōnono ko ilo ejja Jabōt ko wōt.
Ro rej pād ilo katak ko ilo Jabōt-emen kar rōjan̄ er n̄an ekkatak im bōktok n̄an kūlaaj eo kōnono ko rej waļo̧k ilo māākjiin eo ilo kweilo̧k eo eļap.
Ļōmņak ko n̄an Kōpooj juōn Katak jān Kōnono ko
Jar bwe Jetōb Kwojarjar eo en pād ippām ilo am̧ ekkatak im katakin kōn kōnono eo(ko). Komaron̄ in po n̄an kōpooj katak eo ilo kōjerbal bar kein katak ko jet, bōtaab kōnono ko ilo kweilo̧k eo eļap kar kōmālim ilo laajrak in katak ko. Jerbal eo am̧ ej n̄an jipan̄ ro jet ekkatak im mour kōn ko̧jpeļ eo āinwōt kar katakin ilo kweilo̧k eo eļap an Kabun̄ eo kiiō.
Etale kōnono eo (ko), pukōt pedped ko im katak ko me remaron̄ in tōpar aikuj ko an ro uwaan kūlaaj eo. Barāinwōt pukōt bwebwenato ko, eoon in jipan̄ ko, im ennaan ko jān kōnono eo (ko) me enaaj jipan̄ eok katak m̧ool kein.
Kōm̧m̧ane juōn laajrak in wāween n̄an katakin pedped ko im katak ko. Ļōmņak in kobaik kajjitōk ko me rej jipan̄ membōr ro an kūlaj eo:
-
Pukōt pedped ko im katak ko ilo kōnono eo (ko).
-
Ļōmņak kōn meļeļe ko aer.
-
Kwaļo̧k meļeļe, ļōmņak ko, en̄jake ko, im naan in kam̧ool ko.
-
Mour kōn pedped ko im katak ko ilo mour ko aer.
|
Katak ko an Allōn̄ ko Rej Katakin |
Kein Katak ko ilo Jabōt Emen |
|---|---|
|
Oktoba 2013–Eprōļ 2014 |
Kōnono ko kar litok ilo Oktoba 2013 in kweilo̧k eo eļap* |
|
Eprōļ 2014–Oktoba 2014 |
Kōnono ko kar litok ilo Eprōļ 2013 in kweilo̧k eo eļap* |