2013
Misin Muhtahl luhn Jisus Kraist: Wen Kuloh Sefanna
December 2013

Pweng ke Forfor Luti, Tisacmpuh 2013

Misin Muhtahl luhn Jisus Kraist: Wen Kuloh Sefanna

Pruhe in lutlutkihn kuhfa inge ac suk in etuh ma in akacsruhi kac. Etuh moul uh ac misin luhn Mwet Lahngo ac ahkyohkye fuhkah kuh in luhlahlfongi lom Kacl ac ahkinsewowoye mwet kom liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Akucl luhn Rilif Sosaiti

Luhlahlfongi, Sucu, Kahsruh

Mwet Lahngo lasr, Jisus Kraist, El pahngpahng Wen Kuloh Sefanna ke srihpen El pa mwet sefanna fin facluh ma isuslac sin ninac fin facluh se ac Pahpah moul ma pahtpaht se. El usrui kuh muhtahl sin God, Pahpah Tuhmwacl. Sel Mary, ninac Kiyacl, El usrui moul sukawihl ac enenuh in puhlakihn masrinsracl, maluh, tohtohlah, ngal, ac misac.1

Ke srihpen Jisus Kraist pa Wen Kuloh Sefanna nuhtin Pahpah, El kuh in sang moul Lal ac sifil pac eis. Ma suhmuhslah uh luti lah ke iwaclah luhn Kraist, kuht eis sifil moulyak (liye Jacob 4:11). Kuht etwaclah pac ke ma suhmuhslah uh lah mwet nuh kwewa kuh in moulyak ke moul kawihl ac eis moul ma pahtpaht elos fin luhlahlfongi (liye D&C 29:43).

Ke kuht ac etwaclah wo kalmeyac nuh sel Jisus in Wen Kuloh Sefanna nuhtin Pahpah, luhlahlfongi kuh lasr ke Kraist fah yohkwelihk. Elder D. Todd Christofferson ke U luhn Mwet Sap Singucul Luo el fahk, “Luhlahlfongi ke Jisus Kraist pa luhlahlfongi kuh ac ahkpwacye ke (1) Ohiyacl in oacna Wen Kuloh Sefanna nuhtin God, (2) Iwaclah wacngihn sahflahiyac Lal, ac (3) Moulyak pwacye se Lal ah.”2 Mwet Pahluh ke pacl inge fahkwack kac: “[Jisus Kraist] pa … Wen Kuloh Sefanna ke mahno, Mwet in Molwelah luhn facluh.”3

Ke Ma Suhmuhslah uh

Liye John 3:16; Doctrine and Covenants 20:21–24; Moses 5:6–9

Ke Sramsram Mahtuh Lasr

Ke Wuhlweacng Sasuc kuht riti ke muhtwacn, suc kuhtuh ine kuht etuh ac kuhtuh kuht nihkihn, suc ahkpahye luhlahlfongi kuh ke Jisus Kraist, etwaclah ac moulkihn mwe luti Lal, ac fahkwack ke luti, usrnguck, ac fuhlwact Lal. Muhtwacn inge orwaclah mwet tuhma lutlut suc oruh mwe srihkasrak wowo ac mwet lohoh yohk srihpac ke orekma luhn molwelah.

Nuh ke mwe srihkasrak, Martha el oruh fahkwack luhlahlfongi fokoko ke muhtahl luhn Mwet Lahngo ke el fahk nuh Sel, “Nga luhlahlfongi lah kom pa Kraist, Wen nuhtin God, el suc God El wuhlwelah kac muh ac tuhkuh nuh facluh.” (liye John 11:27).

Kuhtuh sin mwet lohoh emet ah ke muhtahllacna luhn Mwet Lahngo pa ninac Kiyacl ah, Mary, ac Elisabeth kuhsin lal. Pacl fototo tukun lihpufacn Gabriel el muhtwacta yohrohl Mary, el muhtwacta yohrohl Elisabeth. Ke pacl se na ma Elisabeth el lohng kihsen paing lal Mary ah, Elisabeth “el sesseslah na ke Nguhn Muhtahl” (liye Luk 1:41) ac oruh fahkwack luhlahlfongi lah Mary lac ninac nuh sin Wen nuhtin God.

© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/13. Ahkkweyeyucklac ke lweng: 6/13. Lwenglah luhn Visiting Teaching Message, December 2013. Kosraean. 10672 868

Mwe kahsruh

  1. Liye Gospel Principles (2009), 52–53.

  2. D. Todd Christofferson, “Building Faith in Christ,” Liahona, Septempuh 2012, 13.

  3. “The Living Christ: The Testimony of the Apostles,” Liahona, Eprel 2000, 2–3.

Meac Nga Kuh In Oruh Uh?

  1. Efuh kuh yohk srihpac nuh sihk in kahlwem ke kunohkohn luhn Jisus Kraist?

  2. Luhlahlfongi lasr kuh in ahkyohkyeyuck fuhkah ke kuht karihngihn wuhlweacng lasr uh?