Mulwol ko Bin Somm’on e Presidency, January 2014
Fel’ Ningyal ni ngam Yung e Gakk’iy
U rome nib kakrom, Janus ir e got ku tabolngin. Bochi ya’an ba’ la’agrew e owchen—ta’areb e owchen ma sap nga tin ke buch, nge reb ma sap nga tin ra buch. Boch e thin ko pi nam ma yog e fithingan ni fan January bachaen u lan e tabolngin e dew rayog ni ngam lemnag marnga’agaen tin ke buch nge tunom nag.
Tomur boch e biyu’ e dew, bo’or e yalan ulangab e feyleng ma fel’ig tin ni ngam rin’ ni fan bin magid e dew nib biech. Ba riyul, rib mom ni ngam fel’ig e tin ni ngam rin’—rib momow ni ngam rin’.
Ta’areb e pu’moon nike fel’ig e babyor nib n’uw ko biech e dew ke lem nag nike fol tin ni nge rin’ rib mangil. Ke lem nag, “chieny, kug fol’ e diet rog, dawo’ puwan’ ngak baa’, kug fol e budget rog, nge dawo’ni nggu puwan’ ngak e kus rok cha’ ni buguliyoror rog. Machane daba’ ir January 2 nge alarm nike tabab nge batuf’ ni nggu chew e bet rog. Gubatuf e ma’ang’ang fa’anra guba fol e tin ni nggu rin.”
Tabab Bayay
Ba ba’nen nib fel’ napan ni ngam tabab be’ie. Guba lemnag bochi ningyal uringin e gidii’ gadad ba’adag ni ngad tabab be’ie ni dariy e oloboch rodad.
Guba’adag ni nggu thapeg e computer nib biech nge hard drive nib biech. Bochi e ningyal ir ba muruwel dariy e magawon riy. Machane tomur boch e pi rran nge pi wiik nge napan gu ba tay reb nge reb e program (boch guba tay, bochi dabgu tay), fare computer ra taleg boch, nge ba’nen ke rin nib papay nge rib fel’ ra mang sasagal. Bochingyal dabi muruwel. Bo’or e muruwel ni nggu tabab nag napan e hard drive ba fek yo’or e chugum nge reb pi’nen nib electronic. Bochingyal kemus ta’areb e ban’nen rayog ni ngau rin’ir ba chew gubin e pi’nen u computer nge tabab be’ie.
Ta’abrogon gadad gubin rayog ni ngad fek e chugum boed rus, maerwaer, nge tagan nib tomal. Pi oloboch ni ngad rin’ed (tin ba’adag ni ngad rin’ nge dabrad ni ngad rin’) ma tomal nagdad madako rib momow ni ngad rin’ed pi’nen batuf’ ni ngad rin’ed
Marnga’agaen e denin, ba rib fel’ e rogon ni ngad cheweg nagdad kanoeg kalngan’ ni ngad biech nag dad ko e chewgum rodad ba gafgow nag e gum’ircha’dad. Fare gospel, udakaen e Biyul nib ma’ang’ang nge murnguy rok Yesus Kristus, ma dag ngodad urogon ni ngad biechnag e alit ko denen ko ya’el rodad nge mang biech, machalbog, nge boed e bitir nib achichig.
Machane bochingyal e ban’nen ra sasagal nagdad nge til’eg dad, ir ma til’eg e muruwel ko tafnay nge pi’nen ni ngad rin’ ere dabiyog ni ngad tababgad.
Rayog Rom ni Ngam Mang Th’abi Fel’ Chaney
Rib mangi ni ngam fil’eg e tin ni ngam rin’. Gadad manag ba tin ni nge rin Chitimangdad nu Tharimy bachaen Keyog ngodad e muruwel nge fel’ngin “nima yog e yafas nib manechubog nge dowef ni dab ki yim’ ko pou’mon” (Moses 1:39)
Pi’nen ni ngad rin’ed rayog ni nge gel nagdad. Machane, ta’areb e ban’en ma kirebnag e muruwel rodad ni fan a fol rodad ir mun’ed. Ngad tabab ni ngad yin’, ba soen ni fan e ningyal nib fel’—bin somm’on e rran u lan e dew nib biech, somm’on ko summer, napan ni ngam thapeg e muruwel ko Bisof fo Relief Society President, Tomur e bitir ra yaen nga skool, tomur ka ma’ e muruwel rom.
Dabi t’uf e pinning umon ni ngam tabab ni ngam maen nga tin ni ngam rim’ nib mat’aw rom. Dabi soen ni fan e rayog rok baa’ madako’ ni ngam mang e cha’ney t’uf ni ngam mang. Dabi t’uf ni ngam soen ko pinning umon ni ngam pigpig u langinn e Galasia.
Bochingyal Rayog ni ngad kirebnag pi dew rodad napan in ngad soen ko mel’egem (mu guy D&C 121:34–36). Machane tiney e ba baen. Kam mel’egem!
Bochingyal u yafos rog dabiyog ni nggu mol bachaen kug cham ngak pi’nen, magaf an’um, fa kireban rog. Machane dariy fan rib tomal ko nap, kug thapeg e athamgil ko tafney ney: napan ra yib e kakadbul, ra yib fare yal.
Ko gubin e rran nib biech, ma yib e kakadbul nib biech—gathi kemus ni fan e feylang machane ni fan dad. Nge ba e reb e tabab ko e rran nib biech—e rogon ni ngad tabab beyay.
Nge gadad be soen, Fa tileg
Bochingyal rus ir ban’en ni nge talig ngodad. Ra yib e rus bachane ni ngad lemnag dabiyog ni ngad cheagdad, rayog ni ngad cheagdad, ra yib e tatamra ngodad, cheagrodad ra thilyegdad, far a thilyeg pi’in ni ngad t’uf.
Nge gadad be soen. Fa waer.
Reb ban’en batuf ni ngad pugran napan ni ngad fel’ig e tin ni ngad rin’ir tin’ey: chuchugur gubin yaay gadad ra tal—machane kemus napan ni ngam tabab. Machane dam fek e mo’owaer laniyaen’dad, rayog ni ngad thapeged e gelingin bachaen e ganop rodad ni dabda mang e machalbog chiney. Manang napan ni ngad tababgad bay e time fa reb ningyal, dabiyog ni ngad rin’gubin e pi’nen. Gonop ney ma fek boch e gin laniyaen’dad nge mo’owaer laniyaen’dad marnga’agaen e tin dabiyog ni ngam rin’
Napan ni ngad rin’ e pi goal u rogon ney, tal dabiyog ni nge wagawon nagdad. Mu pugran, fa’anra dabiyog ni ngad thapeged e tafaen nib thabi fel’ rib papay, kad dared boch u langinn e kanawo ma fekdad ngak.
Nge bin’em ir rib fel’—rib ba’ fan.
Dariyfan fa’anra dad mu’ tiney, ba’tuf ni ngad ul’ul e milekag rodad nge biney ra gelnagdad thabi tolang ko kafram.
Chiney ir Mangil e Ningyal ni Ngad Tabab
Fapi thin nib kakarm ba yog, “Rib Fel’ Ningyal ni ngam Yung e Gakk’iy ir ruliiw e dew kafram. Bin magid e ningyal nib fel ir chiney.”
Bay e ban’nen nib mangil nge athap marnga’agen e thin chiney. Bay e ban’nen nib gel marnga’agen a e rogon ni ngad mel’iged e gadad rodad chiney, rayog ni ngad dared nga m’on biney e ningyal.
Chiney ir rib mangil e ningyal ni ngad manged e cha’ney gaba adag ni ngad mang—Gathi u langinn ruliiw e dew machane ni fan manimus.
© 2013 by Intellectual Reserve, Inc. Gubin mabay matwon. Kan yoloey u Merika. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko First Presidency Message, January 2014. Yapese. 10861 905
Rogon ni ngan Fil ko Biney e Mulwol
Ba weliy’ President Uchtdorf napan dabda rin e tin ni ngad rin’, “Rayog ni ngad thapeged e gelingin. … Dariyfan fa’anra dad mu’ tiney, ba’tuf ni ngad ul’ul e milekag rodad nge biney ra gelnagdad thabi tolang ko kafram.” Mu fith pi chongin u tibnaw ni ngar pii’ e susun rorad napan ni ngar fil’ bo’or udakaen e tin ni nge rin nge de fil bo’or napan ke mu’ e ban’en rok, boed e ningyal ni ke graduate ko skool fa thapeg e to’owath.