Klumech er a Oldingel e Olischakl, Ongeua el Buil 2014
Chedaol Urerel a Jesus Kristo: Osobel e Olsebeled
Mosuub er tial klumech loba nglunguuch e mosiik el mo medengei a kirem el mo ouchais. Ng mekera klemedengei er kau er a klengar me a urerel a Osobel a le choisisii a klaumera er kau er Ngii e lomekngeltengat er tirkel momekerreu er tir lokiu oldingel me a osisechakl? A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngeso
Se el mong meng kot el klou a belkul el ngklek a Jesus Kristo a Osobel,” ng millekoi a Elder D. Todd Christofferson er a Chelechad er a Teruich me a terung el Apostol. A belkul a “Osobel a mengkad a kelebsengel a chad me a lechub e ng blals. A Osobel a sebechel el dirrek el mo er a siik me a lechub e ng melubet el ua omengkad el udoud. … Aika el beldukl el belkul a melekoi el kirel a kakerous el klou el ngbetel a klengit el milkedmokl el okiu a Tngakireng er a Jesus Kristo, el uldimukl er ngii a, tekoi el mlengai er a hong er a belkul a tekoi, ‘ el mo melubet er a klengit me a belsel, el ua se el mlo mad el kirel a chad el meruul a klengit.’”1
A Linda K. Burton, el ngii a merreder er a cherrengelel a Relief Society, a melekoi el kmo: “A Chedam er Babeluades… a mle odureklii a Di Chimong el melemalt el Ngelekel el mei e mlo chuarm el kirel a kngtid, kngtil a rengud, me a ike el ngii a ko er a diak el ungil besul er a chelsel a klengar er kid.
“… A ta er a mechas el ngii a mla mo chemau a betok el rak er a ongarm me a ringel a lmangl e melekoi el kmo, ‘Ak mla mo melechesuar el kmo ngak a di uaia lluich el kluk—el chelimetemt, telat, dechudech, diak ungil kldmokl, e selesodel. E ng di… ngak a kmal el dirk osisiu a klungek el di lluich el kluk.’ Ngika el mechas a medengei el kmo ngii… a mle klou a belkul el mo er a [Dios] el mo uldureklii a Ngelekel el mo mad el kirel, ngii el chad. A rokui el odos er a Ikelesia a kirir el medengei aike el lodengei ngika el mechas.”2
Ngara Chedaol Llechukl
Ngara Reksi er Kid
A Beches el Renged a uldimukl er ngii a cheldecheduch er a redil el melemolm a klaumerang er tir er a Jesus Kristo, mesuub e oltirakl a Osisecheklel, e dirrek el oumerang er a osisecheklel me a urerel, ongasireng, me a dirrek el chetengakl er Ngii.
A Jesus a milekoi el mo er a redil el mla er a chido:
“Ngidi el chad el melim er tia el ralm el knguu el msang a diak el luut el mo meched a rengul; e ng di tia el ralm el kumsang a kirel di ngar er ngii el madedok er a ralm el omaoch el mo er a diak a ulebengelel el klengar.
“Ngika el redil a melkinga er ngii el kmo, Chudelei, beskak tia el ralm, me bo lak el meched a renguk. …
“Ak medengei el kmo a [Mesaia] a mei, … : e se el lemei, e ng mo ouchais er kid a rokui el tekoi.
“A Jesus a melkinga er ngii el kmo, Ngak el mengedecheduch er kau a ngak ingii.”
Ngika el redil “a merko milcherei a ollemelel” e uluuchais a klaumerang er Ngii er a beluu. (Mesa Johanes 4:6–30.)
© 2014 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a Visiting Teaching Message, April 2014. Palauan. 10864 881