Prem—Susamachaar ka Mulvastu
Hum Parmeshwar se sachcha prem nahin kar sakte agar hum is maranshilta ke safar mein apne humsafar ko nahin pyaar karte.
Mere priye bhaaiyon aur bahanon, jab hamare Uddhaarkarta ne manushyon ke beech dekhrekh kiya, Usse parakhne waale wakeel ne pucha, “He Prabhu, kaanoon mein kaun si aagya badi hai?”
Matthew ne likha ki Ishu ka uttar tha:
“Tu Parmeshwar apne Prabhu se apne saare mann aur apne saare praan aur apni saari budhi ke saath prem rakh.
“Badi aur mukhye aagya to yahi hai.
“Aur usi ke samaan yah dusri bhi hai ki tu apne padosi se apne samaan prem rakh.”1
Mark is sandesh ki samaapti karta hai Uddhaarkarta ke is bol se: “Isse badi aur koi aagya nahin.”2
Hum Parmeshwar se sachcha prem nahin kar sakte agar hum is maranshilta ke safar mein apne humsafar ko nahin pyaar karte. Usi tarah, hum puri tarah se apne bhaai bandhuwon se nahin prem kar sakenge agar hum Parmeshwar se nahin prem karte, jo hum sab ka Pita hai. Devdut John hamein batlaata hai, “Usse hamein yeh aagya mili hai, ki jo koi Parmeshwar se prem rakhta hai woh apne bhaai se bhi prem rakhe.”3 Hum sab hamare Swarg ke Pita ke aatmik bachche hai aur, is liye, hum bhaai aur bahanein hai. Jab hum is sachchaai ko apne mann mein rakhte hai, Parmeshwar ke sabhi bachchon se prem karna aasaan ho jaaega.
Vaastav mein, prem susamachaar ka mulvastu hai, aur Ishu Maseeh hamare Uddhaarak hai. Unka jiwan prem ka viraasat tha. Usne beemaar ko changa kiya; gire huwon ko Usne uthaya; paapi ko Usne bachaaya. Ant mein krodhit manushyon ne Uska jaan liya. Aur phirbhi Golgotha ke pahaad se yeh awaaz aati hai: “He Pita, inhe chamakar; kyunki yeh jaante nahin ki yeh kya kar rahein hai”4—maranhshilta ka ek uttam uddharan daya aur prem ka.
Kayi gun hai jo prem ka pradarshan hai, jaise daya, dhaerye, niswaarthta, samajhdaari, aur maafi dena. Hamare sabhi mel jol mein, yeh aur anye is tarah ke gun madad karenge hamare dilon ke prem ko dikhlaane mein.
Zyaadatar hamara prem hamare daenik mel jol mein dikhega ek dusre ke saath. Sabse zyaada zaroori hoga hamari chamta kisi ke zaroorat ko pehchaanne ka aur uske baare mein kuch karne ka. Mujhe is chote se shaaeri mein diya ehsaas hamesha pasand raha hai:
Mai raat mein roya hoon
Dekhne ki kami ke kaaran
Ki mai kisi ki zaroorat ki or andha tha;
Magar maine abhi tak nahin
Koi afsos mehsoos kiya
Thoda zyaada dayalu hone ke liye5
Mujhe haal hi mein hriday chu jaane waala uddharan dikha prembhare daya ka—woh jiska andekha parinaam tha. Saal tha 1933, jab Mahaan Aarthik Sankat ke kaaran, bahut kam naokri ke mauke the. United States ka purabh ka ilaaka tha. Arlene Biesecker haal hi mein high skool se grejuate hui thi. Bahut dinon ke naokri ki khoj ke baad, use ek kapde ke mill mein silaai karne waali ki naokri mili thi. Mill karamchaariyon ko har din sirf silai ke samaapt hue kapdo ke paese milte the. Jitna zyaada sile hue kapde woh banate, utna hi zyaada unka talabh hota.
Ek din mill mein kaam shuru karne ke kuch hi dinon baad, Arlene ko ek kathin kaarye mila jisse woh ghabraai aur pareshaan hui. Woh apne mashin par baeth kar apne nakaam koshish ke kapde ki silaai khol rahi thi. Wahan koi uski madad karne ke liye nahin tha, kyunki anye sabhi silaai karne waale jald zyaada se zyaada kapde ki silaai samaapt karne ki koshish kar rahe the. Arlene ko besahaara aur aashahin mehsoos kar rahi thi. Chupke se, woh rone lagi.
Arlene ke dusri or Bernice Rock baethi thi. Woh badi thi aur use silaai mein bahut anubhav tha. Arlene ke dukh ko dekhkar, Bernice apna kaam chod kar Arlene ke paas gayi, dhire se use salaah aur madad di. Woh wahan tab tak thi jab tak Arlene ne samajh nahin liya aur safalta purwak us kapde ki silaai pura kar saki. Uske baad Bernice apne mashin par gayi, aur zyaada kapde sine ke mauke kho diya tha, madad karne ke kaaran.
Daya bhare prem ke is ek bartaao se, Bernice aur Arlene achche dost ban gaye. Donon ne baad mein shaadiyaan ki aur unke bachche huwe. 1950’s mein ek samay, Bernice, jo ki Girjaghar ki ek sadasye thi ne, Arlene aur uske parivaar ko Mormon Dharamshaastra ki ek capi di. 1960 mein, Arlene aur uska pati aur uske bachchon ne Girjaghar mein baptisma liya. Baad mein woh Parmeshwar ke ek pavitra mandir mein bandhe the.
Kyunki Bernice ne daya dikhaai apne aap ko thoda kasht dekar kisi dukhi aur zarooratmand ajnabi ko madad kiya, kayi log, jiwit aur mrit, susamachaar ke bachaane waale dharamvidhiyon ka ab anand le rahe hai.
Hamare jiwan ke har din hamein mauke milte hai hamare aas-paas ke logon ko prem aur daya dikhlaane ka. Pradhaan Spencer W. Kimball ne kaha: “Hamein yaad rakhna chahiye ki jin logon ko hum paaking waale jagah, daftaron, elevaetar, aur anye sthaanon mein milte hai un logon mein se hai jinhe Parmeshwar ne hamein prem aur sewa karne ko diya hai. Hamein bahut kam laabh hoga manushye ko bhaaipane ki baat karke agar hum apne aas paas ke logon ko apne bhaai aur bahan na maane.”6
Aksar hamare prem dikhlaane ke mauke achaanak se aate hai. Ek uddharan aysi hi ek mauke ka October 1981 ke akhbaar mein chapa tha. Mujhe is mein dikhlaae prem aur daya se itni khushi mili thi ki mainne is kaagaz ke tukde ko apne faelon mein 30 saalon se rakha hai.
Is lekh mein tha ki ek Alaska Airlines ki na rukne waali udaan Anchorage, Alaska, se Seattle, Washington jaane waali—jismein 150 yaatri the ko—ek dur ke Alaska ka shahar le jaaya gaya ek buri tarah se ghaayal bachche ko lene ke liye. Us do-saal-ke ladke ka haath ka ek aatri (rakt maarg) kat gaya tha jab woh apne ghar ke paas khelte samay ek kaanch ke tukde par gir padi. Woh shahar 450meel (725km) dakshin ki or tha Anchorage se aur udaan ke maarg par bilkul nahin tha. Haalaanki, wahan ke chikitsakon ne madad ke liye pukaara tha, aur isi kaaran udaan ko le jaaya gaya bachche ko lene ke liye aur use Seattle ke kisi aspataal mein ilaaj karaane ke liye.
Jab udaan dur ke shahar mein utra, chikitsakon ne vimaan-chaalak ko batlaya ki ladke ka bahut rakt beh chuka hai aur woh Seattle tak ki yaatra mein nahin bachega. Nirnay liya gaya ki aur 200 meel (320km) dusri disha mein Juneau, Alaska le jaaya jaaye, jo sabse kareebi shahar tha jahan aspataal tha.
Ladke ko Juneau pahunchaane ke baad, udaan vimaan Seattle ki or gayi, ab tak bahut der ho gaya tha. Ek bhi yaatri ne shikaayat nahin ki, bhale un mein se kayi logon ko der hui hogi dusre vimaan mein jaane ke liye. Vaastav mein, jaise jaise minate aur ghante beette gaye, unhonne paese ikattha karna shuru kiya, aur bahut paesa ikattha kar liya tha us ladke aur uske parivaar ke liye.
Jab vimaan Seattle pahunchne waala tha, yaatriyon ne utsaapurwak chillaaya jab vimaan-chaalak ne kaha ki use redio dwara batlaya gaya hai ki ladka theek ho jaaega.7
Mere mann mein yeh dharamshaastra ke shabd aate hai: “Udaarta Maseeh ka sachcha prem hai, … aur yeh antim din ko jiske paas milega, uska bhala hoga.”8
Bhaaiyon aur bahanon, kuch badhiya mauke apna prem dikhaane ka hamare gharon ke andar hoga. Paarivaarik jiwan ka mukhye dhaar prem hona chahiye, aur phirbhi kabhi kabhi aesa nahin hota hai. Bahut zyaada bechaeni, bahut zyaada bahas karna, bahut ladaaiyaan, bahut saare aansuwe. Pradhaan Gordon B. Hinckley ne fariyaad kiya: “Aysa kyun hota hai ki [jinhe] hum sabse [zyaada] prem karte hai zyaadatar hamare kathor vachan ka nishaana hote hai? Aysa kyun hai ki [hum] kabhikabhi baate karte hai jaise ki hum chot pahunchaana chahate hai?”9 In sawaalon ke jawaab hum sab ke liye alag honge, aur phir bhi sachchaai yeh hai ki sabhi vajah ko nazarandaaz karna chahiye. Agar hum ek dusre se prem karne ke aagya ka paalan karein, hamein ek dusre se daya aur aadar se pesh aana chahiye.
Ayse kuch samay honge jab sudhaar ki zaroorat hogi. Aao hum yaad karein, woh, salaah jo Doctrine Aur Covenants mein paaya jaata hai—is tarah, ki jab zaroori ho kisi aur ko sudhaarna, uske baad hamein bahut zyaada prem dikhaana chahiye.10
Mai aasha karta hoon ki hum hamesha auron ka aadar karein aur unke vichaar aur ehsaas aur paristhiti ke prati chaokanne rahe. Hum bura bartaao ya ninda na karein. Balki, hum dayawaan aur protsaahan dene waale bane. Hamein dhyaan dena chahiye ki hum laparwaah shabdon ya kartut se kisi anye vyakti ki atma-vishwaas ko thes na pahunchaaye.
Maafi aur prem ek saath istemaal karna chahiye. Hamare parivaaron mein, tatha hamare doston ke saath, thes pahunchaane waale ehsaas aur matbhed ho sakte hai. Ek baar phir, baat kitna chota tha usse koi fark nahin padta. Use nuksaan karne, gambheer hone, aur ant mein nasht karne nahin dena aur chodna chahiye. Doshi tehraane se zakham bharte nahin. Sirf maafi zakham ko bharta hai.
Ek achchi mahila jo ab guzar gayi hai ne ek din mujhse bhent kiya aur anjaane mein mujhe kuch duwidha batlaaye. Usne ek ghatna mujhe batlaayi jo kayi saal pehle ghata tha aur jismein pados ka ek kisaan shaamil tha, jo kabhi achcha dost tha par jis ke saath usne aur uske pati ne kayi baar jhagda kiya tha. Ek din kisaan ne pucha ki kya woh unke aangan se hokar apne khet jaa sakta hai. Is samay par woh mujhe batlaate samay thoda ruki aur, apni aawaaz mein kapkapi ke saath, kaha, “Bhaai Monson, maine us samay aur kabhi bhi us aadmi ko hamare aangan se guzarne nahin diya aur chaaha ki woh lamba raasta paedal chale apne khet pahunchne ke liye. Mai galat thi, aur mujhe dukh hai. Woh ab nahin raha, par oh, meri ichcha hai ki mai unse keh sakti, ‘mai bahut sharminda hoon.’ Mai chahati hoon ki mujhe ek dusra mauka mile daya dikhaane ka.”
Uski sunte samay, mujhe yaad aaya John Greenleaf Whittier ka bahut udaas nigraani: “Zubaan ya kalam ke sabhi udaas shabdon mein se, sabse udaas yeh hai: ‘Aysa ho sakta tha!’”11 Bhaaiyon aur bahanon, jab hum ek dusre se prem aur dayaluta se pesh aayenge, hum ayse duwidha se dur rahenge.
Prem kayi tarah se pehchaana jaata hai: ek muskuraahat, ek haath ka ishaara, ek dayalu bol, ek prashansa. Anye tarike saadhaaran ho sakte hai, jaise kisi ke gatividhi mein dilchaspi dikhaana, daya aur dhaerye se ek siddhaant ko sikhlaana, kisi ko bhent karna jo beemaar ya ghar mein hai. Yeh shabd aur kriya aur kayi aur cheezein bhi prem dikhla sakte hai.
Dale Carnegie, ek jaane-maane American lekhak aur shikshak, vishwaas karte the ki har ek insaan ke andar “shakti hai [is] duniya ke khushiyaali ko badhaane ka … jo akela ya niraash hai usse prashansa ke kuch shabd kehne se.” Usne kaha, “Shaayad tum kal bhool jaaoge tumne kaun se daya ke shabd kahe, magar sunne waala jiwan bhar use anmol samajh kar yaad rakhega.”12
Hum abhi shuru karein, aaj hi ke din, Parmeshwar ke sabhi bachchon ko prem dikhlaana, chaahe woh hamare parivaar ke sadasye, hamare dost, thode samay ke pehchaan waale, ya ekdam ajnabi ho. Jab hum har subha uthte hai, hum nishchay karein ki hum jo bhi karenge usmein prem aur daya dikhlaaenge.
Mere bhaaiyon aur bahanon, jo prem Parmeshwar hamare liye mehsoos karta hai kisi ke bhi kalpana se badhkar hai. Isi prem ke kaaran, Usne Apne Putra ko bheja, jisne humse paryaapt prem kiya ki hamare liye Apna jiwan diya, taaki hamein anant jiwan mil sake. Jab hum is anokhe uphaar ko achchi tarah samjhenge, hamare hriday hamare Anant Pita, hamare Uddhaarkarta, aur sabhi maanav jaati ke liye prem se bhar jaaega. Mai dil se prarthna karta hoon ki aysa hi hoga Ishu Maseeh ke pavitra naam se, amen.
© 2014 dwara Intellectual Reserve, Inc. Pure adhikaar surakshit. USA mein chaapa gaya. Angrezi swikriti: 6/13 Anuwaad swikriti: 6/13. First Presidency Message, May 2014. Hindi, Fiji. 10865 298 ka anuwaad