Etop eke First Presidency, Ofiong June ke isua 2014
Ndising Iwuk Nnam Utom Ososop
Mme nte afo emefiok ete ke restored Church emi ama oyoho isua Anang ye efureta mbemiso enye enyene mme stake esim Ikie? Edi ikeyohoke isua Edip ye duop tongo koro, ufok Abasi emi ama onyung enyene oyoho mme stake Ikie efen adian do. Ke isua itiaita efen ama ekebe ufok Abasi ama enyene mme stake awakde akan Ikie Ita. Mfin emi nnyin imewak ikan mme stake Tosin Ita.
Nsidi ntak nkori emi osopde osop ke uto usung emi? Mme edi ke ntak emi etimde efiok nnyin? Mme edi ke ntak emi nnyin inyenede mme ndiye chapels?
Mme nkpo emi otim ofon, edi ntak emi ufok Abasi okoride ntem edi koro Jehovah ama eting ntem. Ke Nwed Doctrine and Covenants, Enye ama odoho ntem, “Sese, Ami nyenam utom mi usop usop ke ini esie.”1
Nnyin nte ndito spirit eke Ete nnyin ke Heaven, ekeno idi ke isong ke ata ini emi man ikpebuana ke ndinam akwa utom emi usop usop ke eyo emi.
Ke nte ami mfiokde, Jehovah akananam iwutke ete ke utom imo edi ke uwem isong emi kpot. Baba, utom Esie osuk edi ke nsi-nsi. Ami mmenim ke Enye ke anam utom Esie usop usop ke spirit world. Ami menim nko nko nte ke Jehovah ada mme isung utom Esie do anam utom ndinwam ediwak mme spirit do ndikop gospel emi. Utom nnyin edi ndiwet enying mme akpa mkpa emi men nka ke temple nkanam edisana utom ewuho emi edisinde unwam ino mmo oro edude ke nkang oko man mmo ekpenyene ukem unwam emi nnyin inyenede.
President Brigham Young okodude (1801–77) okodoho ete ke kpukpru nti mbon Latter-day Saint edu ke okposong utom ke spirit world. “Nso ke mmo enanam do? Mmo enam utom ukworo iko, ukworo iko kpukpru in, ye nditim usung man nnyin isin ifik ke utom ubop mme temple mi ye ke mme ebiet efen.”2
Kemi, utom family history idighe mem-mem utom. Mbufo emi etode idut Scandinavia, mmetim nkut mfina mbufo. Nte uwut nkpo, usung emana mi ke nkang Sweden, enying ete-ete mi ekedi Nels Monson; edi enying ete esie ikidighe Monson edi ekedi Mons Okeson. Ete Mons ekekere Oke Pedeson, ndien enying ete esie ekedi Peter Monson—onyung emende aka ke Monson nko.
Jehovah omoyom fi ye ami itim inam utom family history emi otim ofon. Ami nkere nte ke akpa nkpo anade nte inam edieke iyomde ndinam utom nnyin otim ofon edi nnyin ndinyene Spirit Ete nnyin ke Heaven ye nnyin. Edieke nnyin idude edisana uwem nte nnyin ifiokde ndidu, Enye eyetat usung edidade mme edidiong idi oro eke nnyin itimde iyom.
Nnyin iyenam mme ndudue, edi baba owo kiet ke otu nnyin ididehe ata ifiok ke utom family history emi eke mikedighe ekpep. Do ke emi, ana nte nnyin isin ibuot inam utom emi, ndien yak ibenge idem ndinam nte nduri-ukpa. Emi idige mmem-mmem utom, edi Jehovah ekemen enye odori fi ke idem, ndien Enye omonyung ono mi ubiong oro nko.
Nte afo akade iso ndinam utom family history emi, afo eyekut idem fo ke ebiet usung eserede, ke emi eyedoho idem fo ete, “Iduhe nkpo ndomo kiet eke Ami ndikande nnam aba.” Kini afo okutde idem fo ke uto ebiet emi, tongo mme edong fo nyung benge Jehovah ete ebere usung, ndien Enye eyeberede usung ono fi. Ami mmetie ntiense mbanga nte ke emi edi akpaniko.
Ete nnyin ke Heaven amama ndito Esie edude ke spirit world nte Enye amade afo ye ami. Ke abange de utom edinyanga mme akpa mkpa, Prophet Joseph Smith ama eting ntem, “Ke emi nte akwa utom Abasi ke ebede usop-usop man oworo osu, ye emi se mme Prophet etingde ke oworo osu, nte ema ekebop obio ubong Abasi ke isong, ye efiakde emen mme nkpo eyo oko efiak edi, Jehovah amanam mme utom ye ifet unam nkpo emi osu ke idem nnyin.”3
Nte abangade mme ete-ete ye eka-eka nnyin ema ekebe efep nte mmo mmikikopke gospel emi, President Joseph F. Smith (1838–1918) eting anwa anwa ete, “Oto ke utom inamde ke ntak mmo mme mkpokobi okobopde mmo etara, ndien ntuhube ekefukde mmo asuana, unwana onyung ayama ono mmo man mmo ekop ebanga utom emi mme ndito mmo enamde ke ufon mmo ke spirit world, emi eyesin mmo idaraesit ke se mbufo enamde.”4
Odu mme anana ibat ye mme anana ibat eken ndito spirit eke Ete nnyin ke Heaven emi akananam mikopke enying ekotde Christ mbemiso mmo ekpa mkpa enyung enyong eka ke spirit world. Edi ke emi emekpep mmo gospel emi ndien ke ebebet ini emi afo ye ami idinamde utom emi ediyakde nnyin ika ke ufok Obong ikenam mme utom emi mmo mikemeke ndinam nno idem mmo.
Mme ndito eka iren ye iban, ami metie ntiense mbanga nte ke Obong eyediong nnyin edieke isinde idem edinam nkpo emi enye okpososong nte nso.
Ukpeb nkpo eketode Etop Emi
Kere banga edinem neme otode family history afo anamde nnyung men neme ye ufok emi afo akade ndikpep. Afo emekeme ndida mme mbume ke ikpehe ndito-owong ke etop First Presidency odude ke (ufang nwed 6) ekpesin inem ono mmo oro afa akade ndikpep. Kere banga ndikot Doctrine and Covenants ibuot esie 128:15 nyung nting iko mbanga ntak edinam ediomo temple ke ufon mme ete-ete ye eka-eka nnyin ema ekekpa.
(c) 2014 eketode Intellectual Reserve, Inc. Ekpan kpukpru unen ndiming nwed emi. Ekeming nwed emi ke USA. Enyime ediming ke Iko Mbakara: 6/14. Enyime Ndikabare: 6/14. Edikabare eke First Presidency Message, June 2014. Efik. 10866 553