Parau Poro‘i na te mau tuahine hahaere, Tiunu 2014
Te misioni hanahana a Iesu Mesia : Aupuru
A tuatapapa na roto i te pure i teie materia ma te imi ia ite eaha te faaite atu. Nahea te maramaramaraa i te oraraa o te Faaora e i Ta’na misioni e faarahi ai i to outou faaroo Ia’na e e haamaitai ai i te feia ta outou e haapa‘o nei na roto i te tere hahaereraa ? No te mau haamaramaramaraa hau atu, a haere i ni‘a i te reliefsociety.lds.org.
Te Faaroo, Te Utuafare, Te Totauturu
Ia aupuru ana‘e tatou ia vetahi ê, ua riro ïa tatou ei pĭpĭ mau na Iesu Mesia, tei horo‘a mai i te hi‘oraa no tatou. Ua parau te Peresideni Thomas S. Monson « Te haaatihia nei tatou e te feia e hinaaro nei … Tatou te rima o te Fatu i ni‘a i te fenua nei, e te faaueraa ia tavini e ia faateitei i Ta’na mau tamarii ».1
Ua haapii mai o Linda K. Burton, peresideni rahi no te Sotaiete Tauturu e : « Na roto râ i te raveraa, e nehenehe ta tatou tata‘itahi e riro mai te Faaora a tavini ai tatou i te mau tamarii a te Atua. No te tauturu ia tatou [ia aupuru] maitai a‘e i te tahi e te tahi, te hinaaro nei au e horo‘a’tu i teie parau ia haamana‘o : ‘A hi‘opo‘a na mua e a tavini i muri iho’ … Mai te mea e na reira tatou, e haapa‘o ïa tatou i te mau fafauraa e e riro ïa ta tatou taviniraa mai ta te peresideni Monson ei tapa‘o papû no to tatou ti‘araa pĭpĭ ».2
E nehenehe ta tatou e pure i te po‘ipo‘i atoa no te ite mai i te mau rave‘a no te tavini ia vetahi ê. « E arata‘i mai te Metua i te Ao ra ia outou e na te mau melahi e tauturu ia outou » ua parau David L. Beck, peresideni rahi no te Feia Apî Tamaroa. « E horo‘ahia ia outou te mana no te haamaitai i te mau oraraa e no te faaora i te mau varua ».3
No roto mai i te mau papa‘iraa mo‘a
No roto mai i to tatou aamu
I te amuiraa rahi no te ava‘e Atopa 1856, ua faaite te Peresideni Brigham Young e ua fifi te mau pionie no te mau pereoo huti e rave rahi hanere maile i te atea. Ua papa‘i o Lucy Meserve Smith e « ua tatara te mau vahine i to ratou mau ahu roa mahanahana [e mau ahu mahanahana i raro a‘e i te ahu tapo‘i tei riro ei peu no taua tau ra e o te tamahanahana atoa], te mau totini, e te mau mea atoa ua nehenehe ia ratou i te haaputu, i reira iho i roto i te Fare Menemene, e ua tuu atu [i te reira] i roto i te mau pereoo puto ».
A haamata ai te mau pionie tei faaorahia i te tae mai i Roto Miti, ua papa‘i o Lucy, « Aita roa’tu vau i mauruuru rahi a‘ena… i te oaoa i te hoê noa‘e ohipa ta’u i rave i roto i to’u oraraa, ua vai mai te hoê huru tahoêraa mana‘o ra. Ua ti‘a noa ia’u ia haere i te hoê fare toa e ia faaite atu i to’u mau hinaaro; mai te mea e ahu, e faitohia mai te reira ma te tamoni ore ».4
Ua parau te peresideni George Albert Smith (1870-1951) no te faatereraa ia vetahi ê : « To tatou oaoa mure ore tei te huru ïa o ta tatou horo‘araa ia tatou iho no te tautururaa ia vetahi ê ».5
A feruri i teie
-
Nahea te pure e nehenehe ai e arata‘i ia tatou ia riro ei mauhaa i roto i te rima o te Fatu ?
-
Nahea te aupururaa ia vetahi ê e tauturu ia tatou ia haapa‘o i ta tatou mau fafauraa ?
© 2014 na Intellectual Reserve, Inc. Faturaa paruruhia. Nene‘ihia i te Mau Hau Amui no Marite. Parau faati‘a no te reo peretane : 6/14. Parau faati‘a no te iritiraa : 6/14. Iritiraa no Visiting Teaching Message, June 2014. Tahitian. 10866 895