Serafo
Ai Upwe Sineiochu Inenapei
Ei chon makk mi nom Virginia, USA.
Fan itan eu ai angangen Fopun, Ua anisi inenapei ne kutta uruon an kewe newo ren ai ua achocho ne nennenong won minnen isois it non ewe imwen kutta uruo famini non Mesa, Arizona, USA. Ren am aua momot fengen ne kukkuta itan ach famini, Ua ekieki: “Ngang ua sineioch usun inenapei we a momot unuki?”
Am aua kunakon chommong itan chon am famini, am aua ammonata porauser, me am aua pwan feino ngeni ewe Tempel non Arizona ne fori angangen paptais me epinano ngeni ewe Ngun mi Fel fan iter. Ekisano chon mwirin, inenapei we a ngeniei eu puk mi masoueni uruon an famini.
Pokiten a semwenin metekin chuun, a men metek chapur pwe inenapei epwe taip won kampiuter. Ngang ua men sani anisi i non ewe kampiuter. Am me ruemon, aua makketiw ekkewe poraus seni manauan pwa am famini repwe feioch ren. Ngang mi tongei ai upwe sinei manauan me kaeo seni i chommong mettoch usun uruon ewe Mwichefen ren am aninisfengen.