Ennaan eo an Būreejtōnji eo Kein Kajuon, O̧kwōj 2014
Leen M̧admōd ko an Anij
Juōn kōrā etan Christa ekar jerbal ilo juōn kom̧bani jidikdik in ine. Ekar iakwe jerbal eo an. Ekar juon menin kabwilōn̄lōn̄ eļap bwe kajjojo iaan ine jiddik ko ej wiakaki rej make okoktak n̄an juon men ekabwilōn̄lōn̄—juon kārōt, juon kābij, aaet juon wōjke oak ekajoor.
Christa eļap an iakwe jijōt ilo kamputōr eo an im bōk wōrtar im uwaaki kajjitōk ko. Ak juon raan ekar itok juon kajjitōk eo eļo̧kjenan kake.
“Ine in ejjab em̧m̧an,” riwia eo ekar ba. “Ikar wiaki ruo allōn̄ emootļo̧k im ejan̄in wōr jabdewōt.”
“Kwar ke kalbūni ilo būdej ko rem̧m̧an im utidikdikier jidik im n̄an an bōk meram in al?” Christa ekar kajjitōk.
“Jaab, ak ikar kōm̧m̧ane ijo koņaō,” riwia eo ekar ba. “Ikar wiaki ine ko. Ij ba wōt, enaaj kar ejjeļo̧k kajjitōk kake naaj eddōk.”
“Ak kwar jab kalbūni?”
“Jaab. Meļeļein bwe in kar kattoon peiū.”
Christa ekar ļōmņak kōn menin im kar ļōmņak bwe en wōr wāween kallib ilo jeje. Ekar lo mejlan ta laajrak eo jinoin tata: “Kwōj aikuij ļoor bun̄tōn ko n̄an ine eo bwe en juļ. Kwōban likūt n̄an ioon kōbat eo am̧ im lōmņak bwe enaaj eddōk.”
Ekar jab etto im barjuōn kajjitōk eaar kaļo̧kjenan.
“Ine kā rejjab kalle,” juon ruwia ekar kwaļo̧k an inepata.
“Kwar ke kalbwini ilo juon bwidej em̧m̧an?” Christa ekar uwaak. “Kwar ke leļok jon̄an dān im n̄an an bōk meram in al Em̧m̧an ke joñan am utdikdiki im kōjeke?
“O, aaet,” ruwia eo ekar kapen wōt ijo an. “Ikar kōm̧m̧ani aolep men kein lukkuun āinwōt an ba ikilin pakij eo. Ak rejjab jerbal.”
“Elōn̄ ke men ekar waļo̧k? Rekar ke juļ?”
“Ejjeļo̧k men ekar waļo̧k,” ruwia eo ekar ba. “Ikar kalbwini āinwōt an ba. Ikar kōtmene bwe in m̧ōn̄ā tōm̧ato ilo iien kōjota. Kiiō elukkuun nana aō mour.”
“Kōttar,” Christa ekar uwaak. “Kwōj ba kwar kalbwini ine eo rainin?”
“Jab bwebwe,” ruwia eo ekar ba. “Ikar kalbwini juon week emootļo̧k. Ikar jab kōtmene bwe in elolo leen tom̧ato ilo raan eo kein kajuōn, ikar kōttar wōt. In mōk ba n̄an kwe, ekanooj in lon̄ iien aō utdikdik im kōttar kōtaan iien eo im kiiō.”
Christa ekar jeļā ke enaaj kar aikuij in kobaik tok bar juōn bun̄tōn: “Ine kein rej atartar wōt ippān kien ko an ānbwin. Eļan̄n̄e kwoj kalbwin ine ko ilo jibbon̄ im kōtmene n̄an am̧ m̧ōn̄ā leen tomato jemļo̧kin week eo, kwonaaj inepata. Kwōj aikuij in kijenmej im kōttar oktan jerbal eo kwar kōm̧m̧ane m̧okta ñan an walok tōprak.”
Aolep men rekar em̧m̧an m̧ae iien Christa iien eo ekar bar bōk juon naan in elotaan.
“Eļap aō inepata ippān ine kā am̧,” ruwia eo ekar jinoe. Iaar witidikdiki, kōm̧m̧an bwe ren kōjeje, im kōttar m̧ae iien āliktata rej kalle.”
“Āinwōt ejim̧we am kōm̧m̧āne aolepen men kane.” Christa ekar ba.
“Aolep men im em̧m̧an, “ruwia eo ekar uwaak. “Ak ta ekar wōr ippa ekar juon zucchini!”
“Reko̧o̧t e aō ej kwaļok ke ej ine ko kwon kwar wiaiki,” Christa ekar ba.
“Ak ijjab kōņaan zucchini; ikōņaan baan̄ke!”
“Ij jab ļoo̧re.”
“Ikar kalwini ine ko n̄an jikin ban̄ke—ejja bwidej eo wōt ekar kwaļo̧k ban̄ke ko iiō eo ļo̧k. Ij nebare menin eddōk kein aolep raan, jiron̄ er renaaj jet ban̄ke ko renaaj aiboojoj. Ak ijjelokin aer kilep, doulul, ban̄ke oran, ibōk men aetok, zucchini maroro. Būjin!”
Christa ekar jeļā kiō bwe bun̄ton ko rejjab bwe im ekar aikuij n̄an likūt juōn pedped in katak: “Ine kein kwōj kalbwiji im iien eo kwoj kalbwini rej kwaļok leen jerbal.”
Kien m̧adm̧ōde leen ko
Rijilōk eo Paul ekar katakin kōn wāween an Anij madm̧ōd:
“Kom̧win jab bōd; Anij e jab likūt bwe ren kajjirere kake E: bwe jabdewōt eo armej ej kalbwin e, men in enaaj barāinwōt m̧adm̧ōd e.
“Bwe eo ej kallib n̄an kanniōkin, jān kanniōkin enaaj m̧adm̧ōd wabanban; e eo ej kallib n̄an Jetōb, jān Jetōb enaaj m̧adm̧ōd mour indeeo.
“A jen jab mōk ilo kōm̧m̧an em̧m̧an: Bwe ilo iien ekkar je naaj m̧adm̧ōd elan̄n̄e je jab parōk” (Galetia 6:7–9).
Ilo tōre ko m̧okta, Irooj eaar letok n̄an kōj bar māletlet im n̄an lo kien in eaorōk:
Anij ekar kwalok ke ewōr juon kien im jab maron̄ in bōke eo im kar ejaake ilan̄ m̧okta jen bedbed ko an laļ in, eo im aolep kōjeram̧m̧an ko rej bedbed ioon—
Anij eaar kwaļo̧k bwe ewōr juon kien eo ej jāmin kōmālim ta eo emōj kean̄ kake ilan̄ m̧okta jān an tōt pedped ko an laļ, ej kōn pokake kien in eo im kōjeram̧m̧an ko rej pedped ioon. Im n̄e jej bōk jabdewōt kōjeram̧m̧an jen Irooj, ej jen pokake kien in eo im kōjeram̧m̧an ko rej pedped ioon im n̄e jej bōk kōjeram̧m̧an jān Anij, ej jān pokake kien eo kar ejaake (Lale D&C 130:20–21).
Men eo jej m̧adm̧ōde, jej bōk leen.
Leen m̧adm̧ōd eo an Anij eļap an aiboojoj. Ro rej kautiej E, kōjeram̧m̧an ko an raibojoj rej itok “jon̄ak ko rem̧m̧an, jiped laļļo̧k, im kōm̧akūtkūt ippān doon, im ettōr ioon. … Bwe kōn jon̄ak eo kom̧ij jon̄ak kake, naaj bar jon̄ak n̄an kom̧” (Luk 6:38).
Āinwōt an ine ko ilo mour in aikuij kijejeto im kijenmej, ej bar āinwōt kōjeram̧m̧am ko an lan̄. Jejjab maron̄ in likūt mour in kabun̄ ko an n̄an juon kōbat im kōtmene bwe enaaj madm̧ōde kōjeram̧m̧an ko an jetōb. Ak eļan̄n̄e jenaaj kalbwini im kōjparok jon̄ak ko an ko̧jpeļ in ilo kajjojo raan in mour ilo baam̧le eo ad, ewōr juon kōttōbar bwe ajri ro nejid ren eddōk ļo̧k n̄an kwaļo̧k leen eo eļap an jetōb n̄an er im n̄an epepen ko tok ilju im jeklaj.
Anij ejjab aolep iien m̧ōkaj in uwaaki jar ko ad—jet iien ejjab alikkar aer naaj itok—ak Anij ejeļā ta eo em̧m̧an tata n̄an ajri ro Nejin. Ilo m̧ool, juon raan enaaj alikkar ad loe; im ilo raan eo jenaaj kile em̧m̧an im jouj ko an lan̄.
Ak ilo tōre in, kōttōbar eo im lan̄lōn̄ eo ad eļap ej n̄an ļoor bun̄tōn neen ko neen M̧aajta im ad Rilo̧mo̧o̧r im n̄an mour jim̧we im kōkm̧anm̧an ļo̧k jokin mour bwe kallim̧ur eo im m̧am̧ōd eo aiboojoj an Anij ejjeļo̧k wōnāān.
Men eo jej m̧adm̧ōde, jej bōk leen.
En̄in ej kien eo jen lan̄.
En̄in ej kien eo an m̧adm̧ōd.
© 2014 jān Intellectual Reserve, Inc. Aolep jim̧we rej pād ippān. Jeje ilo USA Kōmālim ilo kajin English 6/14. Kōmālim Ukook eo: 6/14. Ukook eo an First Presidency Message, August 2014. Marshallese. 10868 874
Katakin jān Ennaan In
Kōnono ippān ro kwoj loļo̧k er ewi wāween an kien eo an Anij kōn m̧adm̧ōd jerbal ilo jem̧jerā ko, oktak im naan in kam̧ool, ak jerbal im kōttōbar ko an jeļāļo̧kjeņ. Kōmaron̄ riiti im lōmņak kake eoon ko rej epaakeļo̧k kien in, āinwōt Jabōn Kōnnan ko 11:18; 2 Korint 9:6; im Alma 32. Rōjan̄ er n̄an etale kōtōpar ko aer m̧oktaļo̧k im kōm̧m̧an kōtōpar kāāl n̄an bōk tōprak ko rem̧m̧an. Jipan̄ er kōm̧m̧ane juon karōk n̄an jerbale aolep iien n̄an tōpar kōttōpar eo aer eaetok kitien.