Serafo
Ua Angang Sefan
Ewe chon makk mi nom Rio Grande do Norte, Brazil.
Eu ran, mwirin ua keran wes ne fiti eu angangen anisi ekkoch, ua fetan kan ngeni imwamewe imwen fan me ua kuna ruemon fefin me ra chok nimeti ewe imw. Ua chok apasa non mecheres: “Pwi kewe, oua mochen aninis?” Emon neir a emenimen ngeniei o a apasa pwe ua saroch ne wareitir pun ir chok mi nimeti ewe imw me ra kan pekus. A apasa pwe a iotek pwe ewe Samon epwe tinano emon ne anisi i. Ua kan pwapwa ne ponueni an iotek. Ua keran wes ne anisi emon me ua kan pekus, nge ua fori mochenin netipei me ua anisi pwan ekkoch.
Mi annuk pwe sipwe angang non pwapwa (see D&C 24:7). Nupwen a wor ach mochen ne anisi ekkoch fansoun meinisin, sia tongeni anisi pwe ekkewe manaman repwe fisita non manauan ekkei ekkoch. Ach anisi ekkoch mi anapano manauach. Ewe Samon mi wesewesen tongeikich, A kan anisi emon me emon Noun kewe, me Epwe ngenikich ewe pochokun ne anisi ekkoch.