Yut
Mi Givim Seves Bakegen
Woman we i raetem atikol ia i stap long Rio Grande do Norte, long Brasil.
Wan dei, afta we mi bin finisim wan seves projek, mi bin stap wokbaot i go pas long fored blong mitinghaos, mo mi luk tufala sista we tufala i stap klinim bilding. Toktok blong mi i kamaot isi nomo: “Tufala sista. ?Yutufala i nidim help?” Wan long tufala i smael long mi mo talem se mi kam stret long taem from tufala nomo i stap klinap, mo tufala i taed tumas. Sista ia i talem se hem i bin prea se Lod bae i sendem wan blong givhan. Mi bin hapi se, mi nao, mi ansa long prea blong hem. Mi jes finis nomo blong givim seves long wan, mo mi bin taed tumas tu, be mi folem hat blong mi mo givim wan moa seves.
Hem i wan komanmen blong wok wetem glad (luk long D&C 24:7). Taem we yumi gat hat blong givim seves long eni taem, yumi save help blong mekem ol merikel oli hapen long laef blong ol nara pipol. Laef blong yumi i gat moa mining taem yumi givim seves. Lod i rili lavem yumi; Hem i stap helpem wanwan long ol pikinini blong Hem, mo bae Hem i givim yumi paoa blong givim seves.